Paṭipadāsutta
Practice
Sāvatthiyaṁ viharati …pe…
At Sāvatthī.
“micchāpaṭipadañca vo, bhikkhave, desessāmi sammāpaṭipadañca.
“Mendicants, I will teach you the wrong practice and the right practice.
Taṁ suṇātha, sādhukaṁ manasi karotha, bhāsissāmī”ti.
Listen and apply your mind well, I will speak.”
“Evaṁ, bhante”ti kho te bhikkhū bhagavato paccassosuṁ.
“Yes, sir,” they replied.
Bhagavā etadavoca:
The Buddha said this:
“Katamā ca, bhikkhave, micchāpaṭipadā?
“And what’s the wrong practice?
Avijjāpaccayā, bhikkhave, saṅkhārā;
Ignorance is a condition for choices.
saṅkhārapaccayā viññāṇaṁ …pe…
Choices are a condition for consciousness. …
evametassa kevalassa dukkhakkhandhassa samudayo hoti.
That is how this entire mass of suffering originates.
Ayaṁ vuccati, bhikkhave, micchāpaṭipadā.
This is called the wrong practice.
Katamā ca, bhikkhave, sammāpaṭipadā?
And what’s the right practice?
Avijjāya tveva asesavirāganirodhā saṅkhāranirodho;
When ignorance fades away and ceases with nothing left over, choices cease.
saṅkhāranirodhā viññāṇanirodho …pe…
When choices cease, consciousness ceases. …
evametassa kevalassa dukkhakkhandhassa nirodho hoti.
That is how this entire mass of suffering ceases.
Ayaṁ vuccati, bhikkhave, sammāpaṭipadā”ti.
This is called the right practice.”
