1"Bhikkhus, when a bhikkhu is not intent on development, even though he forms the wish: ‘May my mind be liberated from the taints by non-clinging!’ yet his mind is not liberated from the taints by non-clinging. For what reason? Because he lacks development. Lacks development of what? (1) Of the four establishments of mindfulness, (2) the four right strivings, (3) the four bases for psychic potency, (4) the five spiritual faculties, (5) the five powers, (6) the seven factors of enlightenment, and (7) the noble eightfold path.

2"Suppose there was a hen with eight, ten, or twelve eggs that she had not properly covered, incubated, and nurtured. Even though she might form the wish: ‘May my chicks pierce their shells with the points of their claws or beaks and hatch safely!’ yet the chicks are incapable of doing so. For what reason? Because the hen had not properly covered, incubated, and nurtured her eggs.

---

"So too, when a bhikkhu is not intent on development, even though he forms the wish: ‘May my mind be liberated from the taints by non-clinging!’ yet his mind is not liberated from the taints by non-clinging. For what reason? Because he lacks development. Lacks development of what? Of the four establishments of mindfulness … the noble eightfold path.

3"Bhikkhus, when a bhikkhu is intent on development, even though he does not form the wish: ‘May my mind be liberated from the taints by non-clinging!’ yet his mind is liberated from the taints by non-clinging. For what reason? Because of his development. Development of what? (1) Of the four establishments of mindfulness, (2) the four right strivings, (3) the four bases for psychic potency, (4) the five spiritual faculties, (5) the five powers, (6) the seven factors of enlightenment, and (7) the noble eightfold path.

4"Suppose there was a hen with eight, ten, or twelve eggs that she had properly covered, incubated, and nurtured. Even though she might not form the wish: ‘May my chicks pierce their shells with the points of their claws or beaks and hatch safely!’ yet the chicks are capable of doing so. For what reason? Because the hen had properly covered, incubated, and nurtured her eggs.

---

"So too, when a bhikkhu is intent on development, even though he does not form the wish: ‘May my mind be liberated from the taints by non-clinging!’ yet his mind is liberated from the taints by non-clinging. For what reason? Because of his development. Development of what? Of the four establishments of mindfulness … the noble eightfold path.

5"When, bhikkhus, a carpenter or a carpenter's apprentice sees the impressions of his fingers and his thumb on the handle of his adze, he does not know: ‘I have worn away so much of the adze handle today, so much yesterday, so much earlier’; but when it has worn away, he knows that it has worn away. So too, when a bhikkhu is intent on development, even though he does not know: ‘I have worn away so much of the taints today, so much yesterday, so much earlier,’ yet when they are worn away, he knows that they are worn away.

6"Suppose, bhikkhus, there was a seafaring ship bound together by lashings that had been worn away in the water for six months. It would be hauled up on dry land during the cold season and its lashings would be further attacked by wind and sun. Inundated by rain from a rain cloud, the lashings would readily deteriorate and rot away. So too, when a bhikkhu is intent on development, his fetters readily collapse and rot away."

1"Bhāvanaṁ ananuyuttassa, bhikkhave, bhikkhuno viharato kiñcāpi evaṁ icchā uppajjeyya: ‘aho vata me anupādāya āsavehi cittaṁ vimucceyyā’ti, atha khvassa neva anupādāya āsavehi cittaṁ vimuccati. Taṁ kissa hetu? ‘Abhāvitattā’tissa vacanīyaṁ. Kissa abhāvitattā? Catunnaṁ satipaṭṭhānānaṁ, catunnaṁ sammappadhānānaṁ, catunnaṁ iddhipādānaṁ, pañcannaṁ indriyānaṁ, pañcannaṁ balānaṁ, sattannaṁ bojjhaṅgānaṁ, ariyassa aṭṭhaṅgikassa maggassa.

2Seyyathāpi, bhikkhave, kukkuṭiyā aṇḍāni aṭṭha vā dasa vā dvādasa vā. Tānassu kukkuṭiyā na sammā adhisayitāni, na sammā pariseditāni, na sammā paribhāvitāni. Kiñcāpi tassā kukkuṭiyā evaṁ icchā uppajjeyya: ‘aho vata me kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjeyyun’ti, atha kho abhabbāva te kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjituṁ. Taṁ kissa hetu? Tathā hi, bhikkhave, kukkuṭiyā aṇḍāni na sammā adhisayitāni, na sammā pariseditāni, na sammā paribhāvitāni.

---

Evamevaṁ kho, bhikkhave, bhāvanaṁ ananuyuttassa bhikkhuno viharato kiñcāpi evaṁ icchā uppajjeyya: ‘aho vata me anupādāya āsavehi cittaṁ vimucceyyā’ti, atha khvassa neva anupādāya āsavehi cittaṁ vimuccati. Taṁ kissa hetu? ‘Abhāvitattā’tissa vacanīyaṁ. Kissa abhāvitattā? Catunnaṁ satipaṭṭhānānaṁ, catunnaṁ sammappadhānānaṁ, catunnaṁ iddhipādānaṁ, pañcannaṁ indriyānaṁ, pañcannaṁ balānaṁ, sattannaṁ bojjhaṅgānaṁ, ariyassa aṭṭhaṅgikassa maggassa.

3Bhāvanaṁ anuyuttassa, bhikkhave, bhikkhuno viharato kiñcāpi na evaṁ icchā uppajjeyya: ‘aho vata me anupādāya āsavehi cittaṁ vimucceyyā’ti, atha khvassa anupādāya āsavehi cittaṁ vimuccati. Taṁ kissa hetu? ‘Bhāvitattā’tissa vacanīyaṁ. Kissa bhāvitattā? Catunnaṁ satipaṭṭhānānaṁ, catunnaṁ sammappadhānānaṁ, catunnaṁ iddhipādānaṁ, pañcannaṁ indriyānaṁ, pañcannaṁ balānaṁ, sattannaṁ bojjhaṅgānaṁ, ariyassa aṭṭhaṅgikassa maggassa.

4Seyyathāpi, bhikkhave, kukkuṭiyā aṇḍāni aṭṭha vā dasa vā dvādasa vā. Tānassu kukkuṭiyā sammā adhisayitāni, sammā pariseditāni, sammā paribhāvitāni. Kiñcāpi tassā kukkuṭiyā na evaṁ icchā uppajjeyya: ‘aho vata me kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjeyyun’ti, atha kho bhabbāva te kukkuṭapotakā pādanakhasikhāya vā mukhatuṇḍakena vā aṇḍakosaṁ padāletvā sotthinā abhinibbhijjituṁ. Taṁ kissa hetu? Tathā hi, bhikkhave, kukkuṭiyā aṇḍāni sammā adhisayitāni, sammā pariseditāni, sammā paribhāvitāni.

---

Evamevaṁ kho, bhikkhave, bhāvanaṁ anuyuttassa bhikkhuno viharato kiñcāpi na evaṁ icchā uppajjeyya: ‘aho vata me anupādāya āsavehi cittaṁ vimucceyyā’ti, atha khvassa anupādāya āsavehi cittaṁ vimuccati. Taṁ kissa hetu? ‘Bhāvitattā’tissa vacanīyaṁ. Kissa bhāvitattā? Catunnaṁ satipaṭṭhānānaṁ … pe … ariyassa aṭṭhaṅgikassa maggassa.

5Seyyathāpi, bhikkhave, phalagaṇḍassa vā phalagaṇḍantevāsikassa vā dissanteva vāsijaṭe aṅgulipadāni dissati aṅguṭṭhapadaṁ. No ca khvassa evaṁ ñāṇaṁ hoti: ‘ettakaṁ me ajja vāsijaṭassa khīṇaṁ, ettakaṁ hiyyo, ettakaṁ pare’ti, atha khvassa khīṇe ‘khīṇan’teva ñāṇaṁ hoti. Evamevaṁ kho, bhikkhave, bhāvanaṁ anuyuttassa bhikkhuno viharato kiñcāpi na evaṁ ñāṇaṁ hoti: ‘ettakaṁ me ajja āsavānaṁ khīṇaṁ, ettakaṁ hiyyo, ettakaṁ pare’ti, atha khvassa khīṇe ‘khīṇan’teva ñāṇaṁ hoti.

6Seyyathāpi, bhikkhave, sāmuddikāya nāvāya vettabandhanabaddhāya cha māsāni udake pariyādāya hemantikena thale ukkhittāya vātātapaparetāni bandhanāni, tāni pāvussakena meghena abhippavuṭṭhāni appakasireneva parihāyanti, pūtikāni bhavanti. Evamevaṁ kho, bhikkhave, bhāvanaṁ anuyuttassa bhikkhuno viharato appakasireneva saṁyojanāni paṭippassambhanti, pūtikāni bhavantī"ti.

---

Sattamaṁ.