… "he should dwell contemplating nonself in form … he is freed from suffering, I say."

1Sāvatthinidānaṁ. "Saddhāpabbajitassa, bhikkhave, kulaputtassa ayamanudhammo hoti – yaṁ rūpe anattānupassī vihareyya. Vedanāya … saññāya … saṅkhāresu … viññāṇe anattānupassī vihareyya. Anattānupassī vihāranto, vedanāya … saññāya … saṅkhāresu … viññāṇe anattānupassī vihāranto rūpaṁ parijānāti, vedanāṁ … pe … saññaṁ … saṅkhāre … viññāṇaṁ parijānāti. So rūpaṁ parijānaṁ vedanāṁ parijānaṁ saññaṁ parijānaṁ saṅkhāre parijānaṁ viññāṇaṁ parijānaṁ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāya maraṇena sokehi paridevehi dukkhehi domanassehi upāyāsehi; ‘parimuccati dukkhasmā’ti vadāmī"ti.

Cuddasamaṁ.

Kukkuḷavaggo catuttho.