“Virūpakkhehi me mettaṁ, mettaṁ erāpathehi me; Chabyāputtehi me mettaṁ, mettaṁ kaṇhāgotamakehi ca.
ca → cāti (pts)

Apādakehi me mettaṁ, mettaṁ dvipādakehi me;
dvipādakehi → dipādakehi (bj, sya-all, pts) Catuppadehi me mettaṁ, mettaṁ bahuppadehi me.
me → meti (pts)

Mā maṁ apādako hiṁsi, mā maṁ hiṁsi dvipādako;
dvipādako → dipādako (bj, sya-all, pts) Mā maṁ catuppado hiṁsi, mā maṁ hiṁsi bahuppado.
catuppado → catuppado me (bj) bahuppado → bahuppadoti (pts)

Sabbe sattā sabbe pāṇā, sabbe bhūtā ca kevalā; Sabbe bhadrāni passantu, mā kañci pāpamāgamā.
kañci → kiñci (sya1ed, sya2ed, mr) | kañci → kiñci (sya-all) | kañci → kici (bj: machasaṁ, syā) | kañci → kiñci (cck: syā. ka.)

Appamāṇo buddho, appamāṇo dhammo; Appamāṇo saṅgho, pamāṇavantāni sarīsapāni;
sarīsapāni → siriṁsapāni (bj, sya1ed, sya2ed, pts-vp-pli1) | siriṁsapāni → sarīsapāni (bj: machasaṁ) | sarīsapāni → sirisapāni (cck: sī. syā. pī.) Ahivicchikasatapadī, uṇṇanābhi sarabū mūsikā.
uṇṇanābhi → uṇṇānābhi (bj, pts-vp-pli1); uṇṇānābhī (sya1ed, sya2ed) | sarabū → sarabhu (bj: katthaci) | uṇṇanābhi → uṇṇānābhi (cck: sī. syā. pī.)

Katā me rakkhā katā me parittā, paṭikkamantu bhūtāni; Sohaṁ namo bhagavato, namo sattannaṁ sammāsambuddhānan”ti.

Khaṇḍajātakaṁ tatiyaṁ.
Khaṇḍajātakaṁ → khandhavattajātakaṁ (bj, pts-vp-pli1); khandhaparittajātakaṁ (sya1ed, sya2ed)