Tattha saṅkhepato netti kittitā.

3.1. Hārasaṅkhepa

Assādādīnavatā, nissaraṇampi ca phalaṁ upāyo ca;
assādādīnavatā → assadādīnavato (bj: a.pu) Āṇattī ca bhagavato, yogīnaṁ desanāhāro.
āṇattī → āṇatti (bj)

Yaṁ pucchitañca vissajjitañca, suttassa yā ca anugīti; Suttassa yo pavicayo, hāro vicayoti niddiṭṭho.

Sabbesaṁ hārānaṁ, yā bhūmī yo ca gocaro tesaṁ; Yuttāyuttaparikkhā, hāro yuttīti niddiṭṭho.
yuttāyuttaparikkhā → yuttāyuttiparikkhā (bj: a.pu, sīmu)

Dhammaṁ deseti jino, tassa ca dhammassa yaṁ padaṭṭhānaṁ; Iti yāva sabbadhammā, eso hāro padaṭṭhāno.

Vuttamhi ekadhamme, ye dhammā ekalakkhaṇā keci; Vuttā bhavanti sabbe, so hāro lakkhaṇo nāma.

Neruttamadhippāyo, byañjanamatha desanānidānañca; Pubbāparānusandhī, eso hāro catubyūho.
pubbāparānusandhī → pubbāparānusandhi (bj) | pubbāparānusandhi → pubbāparena sandhi (bj: a.pu)

Ekamhi padaṭṭhāne, pariyesati sesakaṁ padaṭṭhānaṁ; Āvaṭṭati paṭipakkhe, Āvaṭṭo nāma so hāro.
āvaṭṭati → āvattati (bj: sīmu)

Dhammañca padaṭṭhānaṁ, bhūmiñca vibhajjate ayaṁ hāro;
bhūmiñca vibhajjate → bhūmiṁ ca vihajate (bj) | vihajate → vībhajjate (bj: sīmu) Sādhāraṇe asādhā- raṇe ca neyyo vibhattīti.

Kusalākusale dhamme, niddiṭṭhe bhāvite pahīne ca; Parivattati paṭipakkhe, hāro parivattano nāma.

Vevacanāni bahūni tu, sutte vuttāni ekadhammassa; Yo jānāti suttavidū, Vevacano nāma so hāro.

Ekaṁ bhagavā dhammaṁ, paññattīhi vividhāhi deseti; So ākāro ñeyyo, Paññattī nāma hāroti.
paññattī → paññatti (bj)

Yo ca paṭiccuppādo, indriyakhandhā ca dhātu āyatanā; Etehi otarati yo, Otaraṇo nāma so hāro.

Vissajjitamhi pañhe, gāthāyaṁ pucchitā yamārabbha; Suddhāsuddhaparikkhā, hāro so sodhano nāma.

Ekattatāya dhammā, yepi ca vemattatāya niddiṭṭhā; Te na vikappayitabbā, eso hāro adhiṭṭhāno.
vikappayitabbā → vikappasitabbā (bj)

Ye dhammā yaṁ dhammaṁ, janayantippaccayā paramparato; Hetumavakaḍḍhayitvā, eso hāro parikkhāro.

Ye dhammā yaṁmūlā, ye cekatthā pakāsitā muninā; Te samaropayitabbā, esa samāropano hāro.
hāro → bhāro (bj)

3.2. Nayasaṅkhepa

Taṇhañca avijjampi ca, samathena vipassanāya yo neti; Saccehi yojayitvā, ayaṁ nayo nandiyāvaṭṭo.
nandiyāvaṭṭo → nandiyāvatto (bj: sīmu)

Yo akusale samūlehi, neti kusale ca kusalamūlehi; Bhūtaṁ tathaṁ avitathaṁ, Tipukkhalaṁ taṁ nayaṁ āhu.

Yo neti vipallāsehi, kilese indriyehi saddhamme;
kilese → saṁkilese (bj: a.pu) Etaṁ nayaṁ nayavidū, Sīhavikkīḷitaṁ āhu.

Veyyākaraṇesu hi ye, kusalākusalā tahiṁ tahiṁ vuttā; Manasā volokayate, taṁ khu disālocanaṁ āhu.

Oloketvā disalocanena, ukkhipiya yaṁ samāneti; Sabbe kusalākusale, ayaṁ nayo aṅkuso nāma.

Soḷasa hārā paṭhamaṁ, disalocanato disā viloketvā;
disalocanato → disalocanena (pts-vp-pli1, mr) | viloketvā → vilokayitvā (bj) | disalocanato → disālocanena (bj: a.pu) | disalocanato → disalocanena (cck: ka.) Saṅkhipiya aṅkusena hi, nayehi tīhi niddise suttaṁ.

3.3. Dvādasapada

Akkharaṁ padaṁ byañjanaṁ, nirutti tatheva niddeso; Ākārachaṭṭhavacanaṁ, ettāva byañjanaṁ sabbaṁ.

Saṅkāsanā pakāsanā, vivaraṇā vibhajanuttānīkammapaññatti;
vibhajanuttānīkammapaññatti → vihajanuttānīkammapaññatti (bj) Etehi chahi padehi, attho kammañca niddiṭṭhaṁ.

Tīṇi ca nayā anūnā, atthassa ca chappadāni gaṇitāni; Navahi padehi bhagavato, vacanassattho samāyutto.

Atthassa navappadāni, byañjanapariyeṭṭhiyā catubbīsa; Ubhayaṁ saṅkalayitvā, tettiṁsā ettikā nettīti.
saṅkalayitvā → saṅkhepayato (pts-vp-pli1, mr) | saṅkalayitvā → saṅkhepayato (bj: a.pu) | saṅkalayitvā → saṅkhepayato (cck: ka.)

Niddesavāro.