Samāropanahārasampāta
Tattha katamo samāropano hārasampāto?
“Tasmā rakkhitacittassa, sammāsaṅkappagocaro; Sammādiṭṭhipurekkhāro, ñatvāna udayabbayaṁ; Thinamiddhābhibhū bhikkhu, sabbā duggatiyo jahe”ti.
thinamiddhābhibhū → thīnamiddhābhibhū (bj)
“Tasmā rakkhitacittassā”ti tiṇṇaṁ sucaritānaṁ padaṭṭhānaṁ, citte rakkhite taṁ rakkhitaṁ bhavati kāyakammaṁ vacīkammaṁ manokammaṁ.
Sammādiṭṭhipurekkhāroti sammādiṭṭhiyā bhāvitāya bhāvito bhavati ariyo aṭṭhaṅgiko maggo.
aṭṭhaṅgiko → aṭṭhaṅgito (bj)
Kena kāraṇena?
Sammādiṭṭhito hi sammāsaṅkappo pabhavati, sammāsaṅkappato sammāvācā pabhavati, sammāvācāto sammākammanto pabhavati, sammākammantato sammāājīvo pabhavati, sammāājīvato sammāvāyāmo pabhavati, sammāvāyāmato sammāsati pabhavati, sammāsatito sammāsamādhi pabhavati, sammāsamādhito sammāvimutti pabhavati, sammāvimuttito sammāvimuttiñāṇadassanaṁ pabhavati.
sammāvimutti pabhavati sammāvimuttito → (bj)
Ayaṁ anupādiseso puggalo anupādisesā ca nibbānadhātu.
Niyutto samāropano hārasampāto.
Tenāha āyasmā mahākaccāyano—
mahākaccāyano → mahākaccāno (bj)
“Soḷasa hārā paṭhamaṁ, disalocanato disā viloketvā;
disalocanato → disalocanena (bj) Saṅkhipiya aṅkusena hi, nayehi tīhi niddise suttan”ti.
