“Tivarāyaṁ nivāsīhaṁ, ahosiṁ māliko tadā; Addasaṁ virajaṁ buddhaṁ, siddhatthaṁ lokapūjitaṁ.
lokapūjitaṁ → lokanāyakaṁ (bj)

Pasannacitto sumano, pupphahatthamadāsahaṁ; Yattha yatthupapajjāmi, tassa kammassa vāhasā.

Anubhomi phalaṁ iṭṭhaṁ, pubbe sukatamattano; Parikkhitto sumallehi, pupphadānassidaṁ phalaṁ.

Catunnavutito kappe, yaṁ pupphamabhiropayiṁ; Duggatiṁ nābhijānāmi, pupphapūjāyidaṁ phalaṁ.
pupphapūjāyidaṁ → buddhapūjāyidaṁ (bj, sya1ed, sya2ed, pts-vp-pli1)

Catunnavutupādāya, ṭhapetvā vattamānakaṁ; Pañcarājasatā tattha, najjasamasanāmakā.
najjasamasanāmakā → najjupamasanāmakā (bj, sya1ed, sya2ed, pts-vp-pli1)

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā uppalahatthiyo thero imā gāthāyo abhāsitthāti.

Uppalahatthiyattherassāpadānaṁ tatiyaṁ.