“Udentaṁ sataraṁsiṁva, pītaraṁsiṁva bhāṇumaṁ;
pītaraṁsiṁva → sitaraṁsiṁ va (bj); pītaraṁsīva (sya1ed, sya2ed); vītaraṁsīva (pts-vp-pli1) Byagghūsabhaṁva pavaraṁ, sujātaṁ pabbatantare.

Buddhassa ānubhāvo so, jalate pabbatantare; Raṁse cittaṁ pasādetvā, kappaṁ saggamhi modahaṁ.
Raṁse → raṁsyā (?)

Avasesesu kappesu, kusalaṁ caritaṁ mayā; Tena cittappasādena, buddhānussatiyāpi ca.

Tiṁsakappasahasseto, yaṁ saññamalabhiṁ tadā; Duggatiṁ nābhijānāmi, buddhasaññāyidaṁ phalaṁ.

Sattapaññāsakappamhi, eko āsiṁ janādhipo; Sujāto nāma nāmena, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā raṁsisaññako thero imā gāthāyo abhāsitthāti.

Raṁsisaññakattherassāpadānaṁ pañcamaṁ.