“Suvaṇṇavaṇṇaṁ sambuddhaṁ, nisinnaṁ pabbatantare; Obhāsayantaṁ raṁsena, sikhinaṁ sikhinaṁ yathā.
raṁsena → raṁsiyā (bj, sya1ed, sya2ed)

Aggajaṁ pupphamādāya, upāgacchiṁ naruttamaṁ; Pasannacitto sumano, buddhassa abhiropayiṁ.

Ekattiṁse ito kappe, yaṁ pupphamabhipūjayiṁ; Duggatiṁ nābhijānāmi, buddhapūjāyidaṁ phalaṁ.

Pañcavīsatikappamhi, ahosi amitogato;
amitogato → amitavhayo (bj, pts-vp-pli1); mittaghātako (sya1ed, sya2ed) Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā aggapupphiyo thero imā gāthāyo abhāsitthāti.

Aggapupphiyattherassāpadānaṁ dasamaṁ.

Thomakavaggo chabbīsatimo.

Tassuddānaṁ

Thomakekāsanacitakaṁ, campako sattapāṭali; Pānadhi mañjarī paṇṇaṁ, kuṭido aggapupphiyo;
Pānadhi → pāhano (bj, pts-vp-pli1); pādu (sya1ed, sya2ed) Gāthāyo gaṇitā cettha, ekatālīsameva cāti.