“Vipassino bhagavato, mahābodhimaho ahu; Rukkhaṭṭhasseva sambuddho, lokajeṭṭho narāsabho.
Rukkhaṭṭhasseva sambuddho → rukkhaṭṭheyeva sambuddhe (bj); rukkhaṭṭho iva sambuddho (aṭṭha.) lokajeṭṭho narāsabho → lokajeṭṭhe narāsabhe (bj)

Bhagavā tamhi samaye, bhikkhusaṅghapurakkhato; Catusaccaṁ pakāseti, vācāsabhimudīrayaṁ.

Saṅkhittena ca desento, vitthārena ca desayaṁ;
desayaṁ → desayi (sya1ed, sya2ed); bhāsati (mr) Vivaṭṭacchado sambuddho, nibbāpesi mahājanaṁ.

Tassāhaṁ dhammaṁ sutvāna, lokajeṭṭhassa tādino; Vanditvā satthuno pāde, pakkāmiṁ uttarāmukho.

Ekanavutito kappe, yaṁ dhammamasuṇiṁ tadā; Duggatiṁ nābhijānāmi, dhammasavassidaṁ phalaṁ.

Tettiṁsamhi ito kappe, eko āsiṁ mahīpati; Sutavā nāma nāmena, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā dhammasaññako thero imā gāthāyo abhāsitthāti.

Dhammasaññakattherassāpadānaṁ catutthaṁ.