“Sumedho nāma sambuddho, bāttiṁsavaralakkhaṇo;
bāttiṁsavaralakkhaṇo → battiṁsavaralakkhaṇo (bj) | battiṁsavaralakkhaṇo → bāttiṁsa (bj: machasaṁ) Vivekakāmo bhagavā, himavantamupāgami.
himavantamupāgami ajjhogāhetvā → himavanta mupāgami ajjhogahetvā (bj)

Ajjhogāhetvā himavantaṁ, aggo kāruṇiko muni; Pallaṅkaṁ ābhujitvāna, nisīdi purisuttamo.
pallaṅkaṁ → pallanaṅkaṁ (bj)

Vijjādharo tadā āsiṁ, antalikkhacaro ahaṁ;
vijjādharo → vijjadharo (cck) | vijjādharo → vijajadharo (bj: machasaṁ) Tisūlaṁ sukataṁ gayha, gacchāmi ambare tadā.
sukataṁ → sugataṁ (bj, cck)

Pabbatagge yathā aggi, puṇṇamāyeva candimā; Vanaṁ obhāsate buddho, sālarājāva phullito.

Vanaggā nikkhamitvāna, buddharaṁsībhidhāvare;
buddharaṁsībhidhāvare → buddharaṁsī vidhāvare (bj, mr) | vidhāvare → abhidhāvare (bj: machasaṁ) | buddharaṁsībhidhāvare → buddharaṁsī vidhāvare (cck: sī. ka.) Naḷaggivaṇṇasaṅkāsā, disvā cittaṁ pasādayiṁ.
Naḷaggivaṇṇasaṅkāsā → naḷaggiva nasaṅkāsaṁ (si) | naḷaggivaṇṇasaṅkāsā → naḷagagivanasaṅkāsaṁ (bj: sīmu) | Naḷaggivaṇṇasaṅkāsā → naḷaggiva nasaṅkāsaṁ (cck: sī.)

Vicinaṁ addasaṁ pupphaṁ, kaṇikāraṁ devagandhikaṁ; Tīṇi pupphāni ādāya, buddhaseṭṭhamapūjayiṁ.

Buddhassa ānubhāvena, tīṇi pupphāni me tadā; Uddhaṁ vaṇṭā adhopattā, chāyaṁ kubbanti satthuno.
uddhaṁ vaṇṭā → uddhavaṇṭā (bj) | uddhavaṇṭā → uddhaṁ vaṇaṭā (bj: machasaṁ)

Tena kammena sukatena, cetanāpaṇidhīhi ca; Jahitvā mānusaṁ dehaṁ, tāvatiṁsamagacchahaṁ.

Tattha me sukataṁ byamhaṁ, kaṇikārīti ñāyati;
vyamhaṁ → byamhaṁ (bj: machasaṁ) kaṇikārīti → kaṇikāroti (si) | ñāyati → ñāyate (bj) | kaṇikārīti → kaṇikāroti (bj: sī) | ñāyate → ñāyati (bj: machasaṁ) | kaṇikārīti → kaṇikāroti (cck: sī.) Saṭṭhiyojanamubbedhaṁ, tiṁsayojanavitthataṁ.

Sahassakaṇḍaṁ satabheṇḍu, dhajālu haritāmayaṁ; Satasahassaniyyūhā, byamhe pātubhaviṁsu me.
Satasahassaniyyūhā → satasassaniyyūhā (bj); satasahassāni byūhāni (si) | satasahassaniyyūhā byamhe pātubhaviṁsu → satasassaniyyuhā vyamhe pāturahaṁsu (bj) | satasassaniyyuhā → satasahassāni byuhāni (bj: sī) | Satasahassaniyyūhā → satasahassāni byūhāni (cck: sī.) pātubhaviṁsu → pāturahaṁsu (bj); pāturahiṁsu (mr) | pāturahaṁsu → pātubhaviṁsu (bj: machasaṁ) | pātubhaviṁsu → pāturahaṁsu (cck: sī.); pāturahiṁsu (cck: ka.)

Soṇṇamayā maṇimayā, lohitaṅkamayāpi ca;
soṇṇamayā → sovaṇṇamayā (bj) Phalikāpi ca pallaṅkā, yenicchakā yadicchakā.

Mahārahañca sayanaṁ, tūlikā vikatīyutaṁ; Uddhalomiñca ekantaṁ, bimbohanasamāyutaṁ.

Bhavanā nikkhamitvāna, caranto devacārikaṁ; Yathā icchāmi gamanaṁ, devasaṅghapurakkhato.
Yathā icchāmi → yadā icchāmi (bj); yathā gacchāmi (si) | yathā → yadā (bj) | icchāmi → yathā gacchāmi (bj: sī); yathā icchāmi (bj: machasaṁ) | icchāmi → yathā gacchāmi (cck: sī.)

Pupphassa heṭṭhā tiṭṭhāmi, uparicchadanaṁ mama; Samantā yojanasataṁ, kaṇikārehi chāditaṁ.

Saṭṭhituriyasahassāni, sāyapātaṁ upaṭṭhahuṁ;
sāyapātaṁ → sāyaṁ pātaṁ (bj) Parivārenti maṁ niccaṁ, rattindivamatanditā.

Tattha naccehi gītehi, tālehi vāditehi ca;
tālehi → tāḷehi (bj) | tāḷehi → tālehi (bj: machasaṁ) Ramāmi khiḍḍā ratiyā, modāmi kāmakāmahaṁ.

Tattha bhutvā pivitvā ca, modāmi tidase tadā;
tadā nārīgaṇehi → pure nārigaṇehi (bj) Nārīgaṇehi sahito, modāmi byamhamuttame.

Satānaṁ pañcakkhattuñca, devarajjamakārayiṁ; Satānaṁ tīṇikkhattuñca, cakkavattī ahosahaṁ; Padesarajjaṁ vipulaṁ, gaṇanāto asaṅkhiyaṁ.

Bhave bhave saṁsaranto, mahābhogaṁ labhāmahaṁ; Bhoge me ūnatā natthi, buddhapūjāyidaṁ phalaṁ.

Duve bhave saṁsarāmi, devatte atha mānuse;
saṁsarāmi → yattha pacchā pajāyāmī (bj: sīmu) Aññaṁ gatiṁ na jānāmi, buddhapūjāyidaṁ phalaṁ.

Duve kule pajāyāmi, khattiye cāpi brāhmaṇe;
pajāyāmi → yattha pacchā pajāyāmi (cck: sī.) Nīce kule na jānāmi, buddhapūjāyidaṁ phalaṁ.
jānāmi → jāyāmi (cck)

Hatthiyānaṁ assayānaṁ, sivikaṁ sandamānikaṁ; Labhāmi sabbamevetaṁ, buddhapūjāyidaṁ phalaṁ.

Dāsīgaṇaṁ dāsagaṇaṁ, nāriyo samalaṅkatā;
dāsīgaṇaṁ → dāsigaṇaṁ (bj) Labhāmi sabbamevetaṁ, buddhapūjāyidaṁ phalaṁ.

Koseyyakambaliyāni, khomakappāsikāni ca; Labhāmi sabbamevetaṁ, buddhapūjāyidaṁ phalaṁ.

Navavatthaṁ navaphalaṁ, navaggarasabhojanaṁ; Labhāmi sabbamevetaṁ, buddhapūjāyidaṁ phalaṁ.

Imaṁ khāda imaṁ bhuñja, imamhi sayane saya;
imamhi → imasmiṁ (bj) | imasmiṁ → imamhi (bj: machasaṁ) Labhāmi sabbamevetaṁ, buddhapūjāyidaṁ phalaṁ.

Sabbattha pūjito homi, yaso accuggato mama; Mahāpakkho sadā homi, abhejjapariso sadā;
Mahāpakkho → mahesakkho (mr) | Mahāpakkho → mahesakkho (cck: ka.) Ñātīnaṁ uttamo homi, buddhapūjāyidaṁ phalaṁ.

Sītaṁ uṇhaṁ na jānāmi, pariḷāho na vijjati;
pariḷāho → parilāho (bj) Atho cetasikaṁ dukkhaṁ, hadaye me na vijjati.

Suvaṇṇavaṇṇo hutvāna, saṁsarāmi bhavābhave; Vevaṇṇiyaṁ na jānāmi, buddhapūjāyidaṁ phalaṁ.

Devalokā cavitvāna, sukkamūlena codito; Sāvatthiyaṁ pure jāto, mahāsālesu aḍḍhake.

Pañca kāmaguṇe hitvā, pabbajiṁ anagāriyaṁ; Jātiyā sattavassohaṁ, arahattamapāpuṇiṁ.

Upasampadāyī buddho, guṇamaññāya cakkhumā;
upasampādayī → upasampadāyi (bj: machasaṁ) Taruṇo pūjanīyohaṁ, buddhapūjāyidaṁ phalaṁ.

Dibbacakkhuvisuddhaṁ me, samādhikusalo ahaṁ; Abhiññāpāramippatto, buddhapūjāyidaṁ phalaṁ.

Paṭisambhidā anuppatto, iddhipādesu kovido; Dhammesu pāramippatto, buddhapūjāyidaṁ phalaṁ.

Tiṁsakappasahassamhi, yaṁ buddhamabhipūjayiṁ;
buddhamabhipūjayiṁ → buddhamhipūjayiṁ (bj) Duggatiṁ nābhijānāmi, buddhapūjāyidaṁ phalaṁ.

Kilesā jhāpitā mayhaṁ, …pe… viharāmi anāsavo.

Svāgataṁ vata me āsi, …pe… kataṁ buddhassa sāsanaṁ.

Paṭisambhidā catasso, …pe…
catasso → catasso ca (bj) kataṁ buddhassa sāsanaṁ”.

Itthaṁ sudaṁ āyasmā uttaro thero imā gāthāyo abhāsitthāti.

Uttarattherassāpadānaṁ chaṭṭhaṁ.