“Himavantassāvidūre, mahājātassaro ahu; Satapattehi sañchanno, nānāsakuṇamālayo.

Tamhi nhatvā ca pitvā ca, avidūre vasāmahaṁ;
nhatvā ca pitvā → nhātvā pitvā (bj); nahātvā pivitvā (pts-vp-pli1) Addasaṁ samaṇānaggaṁ, gacchantaṁ anilañjase.

Mama saṅkappamaññāya, satthā loke anuttaro; Abbhato oruhitvāna, bhūmiyaṁṭhāsi tāvade.

Visāṇena tiṇaṁ gayha, nisīdanamadāsahaṁ;
Visāṇena → lāyanena (sya1ed, sya2ed) Nisīdi bhagavā tattha, tisso lokagganāyako.

Sakaṁ cittaṁ pasādetvā, avandi lokanāyakaṁ; Paṭikuṭiko apasakkiṁ, nijjhāyanto mahāmuniṁ.
Paṭikuṭiko → patikuṭiko (bj); paṭikkuṭiko (si); ukkuṭiko (sya1ed, sya2ed, mr)

Tena cittappasādena, nimmānaṁ upapajjahaṁ; Duggatiṁ nābhijānāmi, santharassa idaṁ phalaṁ.

Ito dutiyake kappe, miga sammatakhattiyo;
miga → mitta … (sya1ed, sya2ed) Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā tiṇasantharadāyako thero imā gāthāyo abhāsitthāti.
tiṇasantharadāyako → tiṇasanthāradāyako (sya1ed, sya2ed); tiṇasanthārako (pts-vp-pli1)

Tiṇasantharadāyakattherassāpadānaṁ chaṭṭhaṁ.