“Abhibhū nāma so bhikkhu, sikhino aggasāvako; Mahānubhāvo tevijjo, himavantaṁ upāgami.

Ahampi himavantamhi, ramaṇīyassame isi; Vasāmi appamaññāsu, iddhīsu ca tadā vasī.

Pakkhijāto viyākāse, pabbataṁ adhivatthayiṁ;
adhivatthayiṁ → abhipatthayiṁ (sya1ed, sya2ed, pts-vp-pli1); abhimatthayiṁ (mr) Adhopupphaṁ gahetvāna, āgacchiṁ pabbataṁ ahaṁ.
āgacchiṁ → āgañchiṁ (pts-vp-pli1); agacchiṁ (mr)

Satta pupphāni gaṇhitvā, matthake okiriṁ ahaṁ; Ālokite ca vīrena, pakkāmiṁ pācināmukho.
Ālokite → ālokito (sya1ed, sya2ed, pts-vp-pli1)

Āvāsaṁ abhisambhosiṁ, patvāna assamaṁ ahaṁ; Khāribhāraṁ gahetvāna, pāyāsiṁ pabbatantaraṁ.
pāyāsiṁ → pāvisiṁ (bj, pts-vp-pli1)

Ajagaro maṁ pīḷesi, ghorarūpo mahabbalo; Pubbakammaṁ saritvāna, tattha kālaṅkato ahaṁ.

Ekattiṁse ito kappe, yaṁ pupphamabhiropayiṁ; Duggatiṁ nābhijānāmi, pupphapūjāyidaṁ phalaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā adhopupphiyo thero imā gāthāyo abhāsitthāti.

Adhopupphiyattherassāpadānaṁ catutthaṁ.