“Uccamidaṁ maṇithūṇaṁ vimānaṁ, samantato dvādasa yojanāni;
samantato → samanto (sya-all) Kūṭāgārā sattasatā uḷārā, veḷuriyathambhā rucakatthatā subhā.

Tatthacchasi pivasi khādasi ca, dibbā ca vīṇā pavadanti vagguṁ; Dibbā rasā kāmaguṇettha pañca, nāriyo ca naccanti suvaṇṇachannā.
suvaṇṇachannā → suvaṇṇachattā (bj)

Kena tetādiso vaṇṇo, …pe… Vaṇṇo ca te sabbadisā pabhāsatī”ti.

So devaputto attamano, …pe…
attamano → attamano moggallānena pucchito (sya-all) yassa kammassidaṁ phalaṁ.

“Karaṇīyāni puññāni, paṇḍitena vijānatā; Sammaggatesu buddhesu, yattha dinnaṁ mahapphalaṁ.

Atthāya vata me buddho, araññā gāmamāgato; Tattha cittaṁ pasādetvā, tāvatiṁsūpago ahaṁ.
ahaṁ → ahuṁ (si) | tāvatiṁsūpago → tāvatisūpago (bj) | ahaṁ → ahuṁ (bj: sīmu) | ahaṁ → ahuṁ (cck: sī.)

Tena metādiso vaṇṇo, …pe… Vaṇṇo ca me sabbadisā pabhāsatī”ti.

Paṭhamakaraṇīyavimānaṁ chaṭṭhaṁ.