“Kā tvaṁ suddhehi vatthehi, aghe vehāyasaṁ ṭhitā;
vehāyasaṁ ṭhitā → vehāsayaṁ ṭhitā (bj, pts-vp-pli1); vehāyasaṇṭhitā (sya1ed, sya2ed) Kena tyāssūni vattanti, kuto taṁ bhayamāgataṁ”.

“Taveva deva vijite, bhaddasāloti maṁ vidū; Saṭṭhi vassasahassāni, tiṭṭhato pūjitassa me.
Saṭṭhi → saṭṭhiṁ (bj, pts-vp-pli1)

Kārayantā nagarāni, agāre ca disampati; Vividhe cāpi pāsāde, na maṁ te accamaññisuṁ; Yatheva maṁ te pūjesuṁ, tatheva tvampi pūjaya”.

“Taṁ ivāhaṁ na passāmi, thūlaṁ kāyena te dumaṁ;
Taṁ ivāhaṁ → tava ahaṁ (bj); tañca ahaṁ (sya1ed, sya2ed, pts-vp-pli1) Ārohapariṇāhena, abhirūposi jātiyā.

Pāsādaṁ kārayissāmi, ekatthambhaṁ manoramaṁ; Tattha taṁ upanessāmi, ciraṁ te yakkha jīvitaṁ”.

“Evaṁ cittaṁ udapādi, sarīrena vinābhāvo; Puthuso maṁ vikantitvā, khaṇḍaso avakantatha.

Agge ca chetvā majjhe ca, pacchā mūlamhi chindatha;
mūlamhi chindatha → mūlañca chindatha (bj); mūlaṁ vichindatha (pts-vp-pli1) Evaṁ me chijjamānassa, na dukkhaṁ maraṇaṁ siyā”.

“Hatthapādaṁ yathā chinde, kaṇṇanāsañca jīvato;
Hatthapādaṁ → hatthapāde (mr) | chinde → chinne (mr) jīvato → jīvite (bj, pts-vp-pli1) Tato pacchā siro chinde, taṁ dukkhaṁ maraṇaṁ siyā.

Sukhaṁ nu khaṇḍaso chinnaṁ, bhaddasāla vanappati; Kiṁhetu kiṁ upādāya, khaṇḍaso chinnamicchasi”.

“Yañca hetumupādāya, hetuṁ dhammūpasaṁhitaṁ; Khaṇḍaso chinnamicchāmi, mahārāja suṇohi me.

Ñātī me sukhasaṁvaddhā, mama passe nivātajā; Tepihaṁ upahiṁseyyaṁ, paresaṁ asukhocitaṁ”.

“Ceteyyarūpaṁ cetesi, bhaddasāla vanappati;
Ceteyyarūpaṁ → cetabbarūpaṁ (bj, pts-vp-pli1) Hitakāmosi ñātīnaṁ, abhayaṁ samma dammi te”ti.

Bhaddasālajātakaṁ dutiyaṁ.