“Kāmaṁ kāmayamānassa, tassa ce taṁ samijjhati; Addhā pītimano hoti, laddhā macco yadicchati.

Kāmaṁ kāmayamānassa, tassa ce taṁ samijjhati; Tato naṁ aparaṁ kāme, ghamme taṇhaṁva vindati.

Gavaṁva siṅgino siṅgaṁ, vaḍḍhamānassa vaḍḍhati; Evaṁ mandassa posassa, bālassa avijānato; Bhiyyo taṇhā pipāsā ca, vaḍḍhamānassa vaḍḍhati.

Pathabyā sāliyavakaṁ, gavāssaṁ dāsaporisaṁ;
gavāssaṁ → gavassaṁ (mr) Datvā ca nālamekassa, iti vidvā samaṁ care.
Datvā ca → datvāpi (bj, sya1ed, sya2ed); datvā vā (pts-vp-pli1) vidvā → viddhā (sya1ed, sya2ed)

Rājā pasayha pathaviṁ vijitvā, sasāgarantaṁ mahimāvasanto; Oraṁ samuddassa atittarūpo, pāraṁ samuddassapi patthayetha.
atittarūpo → atittirūpo (mr)

Yāva anussaraṁ kāme, manasā titti nājjhagā; Tato nivattā paṭikkamma disvā, te ve sutittā ye paññāya tittā.
sutittā → tittā (bj, sya1ed, sya2ed, pts-vp-pli1)

Paññāya tittinaṁ seṭṭhaṁ, na so kāmehi tappati;
tittinaṁ → tittīnaṁ (sya1ed, sya2ed) Paññāya tittaṁ purisaṁ, taṇhā na kurute vasaṁ.

Apacinetheva kāmānaṁ, appicchassa alolupo;
kāmānaṁ → kāmāni (bj, sya1ed, sya2ed, pts-vp-pli1) Samuddamatto puriso, na so kāmehi tappati.

Rathakārova cammassa, parikantaṁ upāhanaṁ; Yaṁ yaṁ cajati kāmānaṁ, taṁ taṁ sampajjate sukhaṁ;
cajati → jahati (sya1ed, sya2ed, mr) Sabbañce sukhamiccheyya, sabbe kāme pariccaje”.

“Aṭṭha te bhāsitā gāthā, sabbā honti sahassiyo;
sahassiyo → sahassiyā (?) Paṭigaṇha mahābrahme, sādhetaṁ tava bhāsitaṁ”.

“Na me attho sahassehi, satehi nahutehi vā; Pacchimaṁ bhāsato gāthaṁ, kāme me na rato mano”.

“Bhadrako vatāyaṁ māṇavako, sabbalokavidū muni;
Bhadrako → bhaddo (bj); bhaddako (pts-vp-pli1) Yo imaṁ taṇhaṁ dukkhajananiṁ, parijānāti paṇḍito”ti.
imaṁ taṇhaṁ → yo taṇhaṁ (bj, sya1ed, sya2ed)

Kāmajātakaṁ catutthaṁ.