“Dasa khalu imāni ṭhānāni, yāni pubbe akaritvā;
khalu imāni → khalumāni (sya1ed, sya2ed) Sa pacchā manutappati, iccevāha janasandho.
iccevāha → iccāha rājā (bj, sya1ed, sya2ed, pts-vp-pli1)

Aladdhā vittaṁ tappati, pubbe asamudānitaṁ; Na pubbe dhanamesissaṁ, iti pacchānutappati.

Sakyarūpaṁ pure santaṁ, mayā sippaṁ na sikkhitaṁ; Kicchā vutti asippassa, iti pacchānutappati.

Kūṭavedī pure āsiṁ, pisuṇo piṭṭhimaṁsiko; Caṇḍo ca pharuso cāpi, iti pacchānutappati.
cāpi → cāsiṁ (bj, sya1ed, sya2ed, pts-vp-pli1)

Pāṇātipātī pure āsiṁ, luddo cāpi anāriyo;
cāpi → cāsiṁ (bj, pts-vp-pli1) Bhūtānaṁ nāpacāyissaṁ, iti pacchānutappati.

Bahūsu vata santīsu, anāpādāsu itthisu; Paradāraṁ asevissaṁ, iti pacchānutappati.

Bahumhi vata santamhi, annapāne upaṭṭhite; Na pubbe adadaṁ dānaṁ, iti pacchānutappati.
adadaṁ → adadiṁ (bj)

Mātaraṁ pitarañcāpi, jiṇṇakaṁ gatayobbanaṁ;
jiṇṇakaṁ gatayobbanaṁ → jiṇṇake gatayobbane (bj, sya1ed, sya2ed, pts-vp-pli1) Pahu santo na posissaṁ, iti pacchānutappati.

Ācariyamanusatthāraṁ, sabbakāmarasāharaṁ; Pitaraṁ atimaññissaṁ, iti pacchānutappati.

Samaṇe brāhmaṇe cāpi, sīlavante bahussute; Na pubbe payirupāsissaṁ, iti pacchānutappati.

Sādhu hoti tapo ciṇṇo, santo ca payirupāsito; Na ca pubbe tapo ciṇṇo, iti pacchānutappati.

Yo ca etāni ṭhānāni, yoniso paṭipajjati; Karaṁ purisakiccāni, sa pacchā nānutappatī”ti.

Janasandhajātakaṁ pañcamaṁ.