“Kaṇho kaṇho ca ghoro ca, sukkadāṭho pabhāsavā;
pabhāsavā → patāpavā (bj, sya1ed, sya2ed, pts-vp-pli1) Baddho pañcahi rajjūhi, kiṁ ravi sunakho tava”.
ravi → dhīra (bj, pts-vp-pli1); vīra (sya1ed, sya2ed)

“Nāyaṁ migānamatthāya, usīnaka bhavissati;
usīnaka → usīnara (bj, pts-vp-pli1); usinnara (sya1ed, sya2ed) Manussānaṁ anayo hutvā, tadā kaṇho pamokkhati”.

“Pattahatthā samaṇakā, muṇḍā saṅghāṭipārutā; Naṅgalehi kasissanti, tadā kaṇho pamokkhati.

Tapassiniyo pabbajitā, muṇḍā saṅghāṭipārutā;
Tapassiniyo → tapanīyā (mr) Yadā loke gamissanti, tadā kaṇho pamokkhati.

Dīghottaroṭṭhā jaṭilā, paṅkadantā rajassirā; Iṇaṁ codāya gacchanti, tadā kaṇho pamokkhati.
codāya → vodāya (bj, pts-vp-pli1); codaya (sya1ed, sya2ed)

Adhicca vede sāvittiṁ, yaññatantañca brāhmaṇā;
vede → vedaṁ (mr) yaññatantañca → … tantrañca (bj, pts-vp-pli1); tatrañca (sya1ed, sya2ed) Bhatikāya yajissanti, tadā kaṇho pamokkhati.

Mātaraṁ pitarañcāpi, jiṇṇakaṁ gatayobbanaṁ; Pahū santo na bharanti, tadā kaṇho pamokkhati.
Pahū santo → pahū santā (bj); pahusanto (sya1ed, sya2ed)

Mātaraṁ pitarañcāpi, jiṇṇakaṁ gatayobbanaṁ; Bālā tumheti vakkhanti, tadā kaṇho pamokkhati.

Ācariyabhariyaṁ sakhiṁ, mātulāniṁ pitucchakiṁ;
Ācariyabhariyaṁ sakhiṁ → ācariyabhariyaṁ sakhābhariyaṁ (bj, pts-vp-pli1); ācariyabhāriyaṁ sakhiṁ (sya2ed) pitucchakiṁ → pitucchayaṁ (bj); pitucchasaṁ (pts-vp-pli1) Yadā loke gamissanti, tadā kaṇho pamokkhati.

Asicammaṁ gahetvāna, khaggaṁ paggayha brāhmaṇā; Panthaghātaṁ karissanti, tadā kaṇho pamokkhati.

Sukkacchavī vedhaverā, thūlabāhū apātubhā; Mittabhedaṁ karissanti, tadā kaṇho pamokkhati.

Māyāvino nekatikā, asappurisacintakā; Yadā loke bhavissanti, tadā kaṇho pamokkhatī”ti.

Mahākaṇhajātakaṁ chaṭṭhaṁ.