“Neva kiṇāmi napi vikkiṇāmi, na cāpi me sannicayo ca atthi;
ca atthi → idhatthi (sya1ed, sya2ed) Sukiccharūpaṁ vatidaṁ parittaṁ, patthodano nālamayaṁ duvinnaṁ”.

“Appamhā appakaṁ dajjā, anumajjhato majjhakaṁ; Bahumhā bahukaṁ dajjā, adānaṁ nupapajjati.
nupapajjati → nūpapajjati (sya1ed, sya2ed); na upapajjati (pts-vp-pli1)

Taṁ taṁ vadāmi kosiya, dehi dānāni bhuñja ca”. Ariyamaggaṁ samārūha, nekāsī labhate sukhaṁ.
Ariyamaggaṁ samārūha → ariyaṁ maggaṁ samāruha (bj, pts-vp-pli1)

“Moghañcassa hutaṁ hoti, moghañcāpi samīhitaṁ; Atithismiṁ yo nisinnasmiṁ, eko bhuñjati bhojanaṁ.

Taṁ taṁ vadāmi kosiya, dehi dānāni bhuñja ca; Ariyamaggaṁ samārūha, nekāsī labhate sukhaṁ”.

“Saccañcassa hutaṁ hoti, saccañcāpi samīhitaṁ; Atithismiṁ yo nisinnasmiṁ, neko bhuñjati bhojanaṁ.

Taṁ taṁ vadāmi kosiya, dehi dānāni bhuñja ca; Ariyamaggaṁ samārūha, nekāsī labhate sukhaṁ”.

“Sarañca juhati poso, bahukāya gayāya ca; Doṇe timbarutitthasmiṁ, sīghasote mahāvahe.

Atra cassa hutaṁ hoti, atra cassa samīhitaṁ; Atithismiṁ yo nisinnasmiṁ, neko bhuñjati bhojanaṁ.

Taṁ taṁ vadāmi kosiya, dehi dānāni bhuñja ca; Ariyamaggaṁ samārūha, nekāsī labhate sukhaṁ”.

“Baḷisañhi so nigilati, dīghasuttaṁ sabandhanaṁ;
nigilati → niggilati (bj, pts-vp-pli1) Atithismiṁ yo nisinnasmiṁ, eko bhuñjati bhojanaṁ.

Taṁ taṁ vadāmi kosiya, dehi dānāni bhuñja ca; Ariyamaggaṁ samārūha, nekāsī labhate sukhaṁ”.

“Uḷāravaṇṇā vata brāhmaṇā ime, ayañca vo sunakho kissa hetu; Uccāvacaṁ vaṇṇanibhaṁ vikubbati, akkhātha no brāhmaṇā ke nu tumhe”.

“Cando ca suriyo ca ubho idhāgatā, ayaṁ pana mātali devasārathi;
Cando ca suriyo ca → sūriyo ca (mr) Sakkohamasmi tidasānamindo, eso ca kho pañcasikhoti vuccati”.

“Pāṇissarā mudiṅgā ca, murajālambarāni ca;
Pāṇissarā mudiṅgā ca → mutiṅgā ca (pts-vp-pli1) Suttamenaṁ pabodhenti, paṭibuddho ca nandati”.

“Ye kecime maccharino kadariyā, paribhāsakā samaṇabrāhmaṇānaṁ; Idheva nikkhippa sarīradehaṁ, kāyassa bhedā nirayaṁ vajanti”.

“Ye kecime suggatimāsamānā, dhamme ṭhitā saṁyame saṁvibhāge;
suggatimāsamānā → suggatimāsasānā (bj, pts-vp-pli1); suggatāsisamānā (mr) Idheva nikkhippa sarīradehaṁ, kāyassa bhedā sugatiṁ vajanti.

Tvaṁ nosi ñāti purimāsu jātisu, so maccharī rosako pāpadhammo;
rosako → kosiyo (sya1ed, sya2ed, mr) Taveva atthāya idhāgatamhā, mā pāpadhammo nirayaṁ gamittha”.
gamittha → apattha (bj, sya1ed, sya2ed, pts-vp-pli1)

“Addhā hi maṁ vo hitakāmā, yaṁ maṁ samanusāsatha; Sohaṁ tathā karissāmi, sabbaṁ vuttaṁ hitesibhi.

Esāhamajjeva upāramāmi, na cāpihaṁ kiñci kareyya pāpaṁ;
na cāpihaṁ → nacāpahaṁ (bj, pts-vp-pli1) Na cāpi me kiñci adeyyamatthi, na cāpidatvā udakaṁ pivāmi.
udakaṁ pivāmi → udakampahaṁ pibe (bj)

Evañca me dadato sabbakālaṁ, bhogā ime vāsava khīyissanti;
sabbakālaṁ → … kāle (mr) Tato ahaṁ pabbajissāmi sakka, hitvāna kāmāni yathodhikānī”ti.

Kosiyajātakaṁ sattamaṁ.