“Pañca paṇḍitā samāgatāttha, pañhā me paṭibhāti taṁ suṇātha; Nindiyamatthaṁ pasaṁsiyaṁ vā, kassevāvikareyya guyhamatthaṁ”.
kassevāvikareyya → kassevāvīkareyya (sya1ed, sya2ed); kassa vāvīkareyya (mr)

“Tvaṁ āvikarohi bhūmipāla, bhattā bhārasaho tuvaṁ vade taṁ; Tava chandarucīni sammasitvā, atha vakkhanti janinda pañca dhīrā”.
chandarucīni → chandañca ruciñca (bj, pts-vp-pli1)

“Yā sīlavatī anaññatheyyā, bhattucchandavasānugā manāpā;
anaññatheyyā → anaññadheyyā (bj, pts-vp-pli1) manāpā → piyā manāpā (sya1ed, sya2ed, mr) Nindiyamatthaṁ pasaṁsiyaṁ vā, bhariyāyāvikareyya guyhamatthaṁ”.
bhariyāyāvikareyya → bhariyāyāvīkareyya (sya1ed, sya2ed); bhariyāya vāvīkareyya (mr)

“Yo kicchagatassa āturassa, saraṇaṁ hoti gatī parāyanañca;
Yo → so (bj, sya1ed, sya2ed, pts-vp-pli1) Nindiyamatthaṁ pasaṁsiyaṁ vā, sakhino vāvikareyya guyhamatthaṁ”.

“Jeṭṭho atha majjhimo kaniṭṭho, yo ce sīlasamāhito ṭhitatto;
Jeṭṭho → yo jeṭṭho (sya1ed, sya2ed) Nindiyamatthaṁ pasaṁsiyaṁ vā, bhātu vāvīkareyya guyhamatthaṁ”.

“Yo ve pituhadayassa paddhagū, anujāto pitaraṁ anomapañño;
pituhadayassa → hadayassa (bj) | paddhagū → patthagū (sya1ed, sya2ed); pattagū (mr) Nindiyamatthaṁ pasaṁsiyaṁ vā, puttassāvikareyya guyhamatthaṁ”.
puttassāvikareyya → puttassāvīkareyya (sya1ed, sya2ed); puttassa vāvīkareyya (mr)

“Mātā dvipadājanindaseṭṭha, yā naṁ poseti chandasā piyena;
naṁ → yā taṁ (bj, pts-vp-pli1) Nindiyamatthaṁ pasaṁsiyaṁ vā, mātuyāvīkareyya guyhamatthaṁ”.
mātuyāvīkareyya → mātuyā vāvīkareyya (mr)

“Guyhassa hi guyhameva sādhu, na hi guyhassa pasatthamāvikammaṁ; Anipphannatā saheyya dhīro, nipphannova yathāsukhaṁ bhaṇeyya”.
Anipphannatā → anipphādāya (bj, pts-vp-pli1); anipphannatāya (sya1ed, sya2ed); ānipphādā (?) nipphannova → nipphannattho (bj, pts-vp-pli1); nipphannatthova (sya1ed, sya2ed)

“Kiṁ tvaṁ vimanosi rājaseṭṭha, dvipadajaninda vacanaṁ suṇoma metaṁ;
Kiṁ → kinnu (bj) dvipadajaninda → dipadinda (bj, sya1ed, sya2ed, pts-vp-pli1) | metaṁ → netaṁ (bj, pts-vp-pli1); te taṁ (sya1ed, sya2ed) Kiṁ cintayamāno dummanosi, nūna deva aparādho atthi mayhaṁ”.

“‘Paṇhe vajjho mahosadho’ti, āṇatto me vadhāya bhūripañño;
Paṇhe → pañño (bj, pts-vp-pli1); pañhe (sya1ed, sya2ed); panhe (mr) Taṁ cintayamāno dummanosmi, na hi devī aparādho atthi tuyhaṁ”.

“Abhidosagato dāni ehisi, kiṁ sutvā kiṁ saṅkate mano te; Ko te kimavoca bhūripañña, Iṅgha vacanaṁ suṇoma brūhi metaṁ”.

“‘Paṇhe vajjho mahosadho’ti, yadi te mantayitaṁ janinda dosaṁ; Bhariyāya rahogato asaṁsi, guyhaṁ pātukataṁ sutaṁ mametaṁ”.

“Yaṁ sālavanasmiṁ senako, pāpakammaṁ akāsi asabbhirūpaṁ; Sakhinova rahogato asaṁsi, guyhaṁ pātukataṁ sutaṁ mametaṁ.

Pukkusa purisassa te janinda, uppanno rogo arājayutto;
Pukkusa → pakkusa (mr) Bhātuñca rahogato asaṁsi, guyhaṁ pātukataṁ sutaṁ mametaṁ.
Bhātuñca → bhātucca (bj, pts-vp-pli1); bhātuva (sya1ed, sya2ed)

Ābādhoyaṁ asabbhirūpo, kāmindo naradevena phuṭṭho;
kāmindo → kāvindo (bj, pts-vp-pli1) Puttassa rahogato asaṁsi, guyhaṁ pātukataṁ sutaṁ mametaṁ.

Aṭṭhavaṅkaṁ maṇiratanaṁ uḷāraṁ, sakko te adadā pitāmahassa; Devindassa gataṁ tadajja hatthaṁ, mātuñca rahogato asaṁsi;
Devindassa gataṁ tadajja hatthaṁ → devindassa tadajja hatthagataṁ (mr) Guyhaṁ pātukataṁ sutaṁ mametaṁ.

Guyhassa hi guyhameva sādhu, na hi guyhassa pasatthamāvikammaṁ; Anipphannatā saheyya dhīro, nipphannova yathāsukhaṁ bhaṇeyya.

Na guyhamatthaṁ vivareyya, rakkheyya naṁ yathā nidhiṁ; Na hi pātukato sādhu, guyho attho pajānatā.

Thiyā guyhaṁ na saṁseyya, amittassa ca paṇḍito; Yo cāmisena saṁhīro, hadayattheno ca yo naro.

Guyhamatthaṁ asambuddhaṁ, sambodhayati yo naro; Mantabhedabhayā tassa, dāsabhūto titikkhati.

Yāvanto purisassatthaṁ, guyhaṁ jānanti mantinaṁ; Tāvanto tassa ubbegā, tasmā guyhaṁ na vissaje.

Vivicca bhāseyya divā rahassaṁ, rattiṁ giraṁ nātivelaṁ pamuñce; Upassutikā hi suṇanti mantaṁ, tasmā manto khippamupeti bhedan”ti.

Pañcapaṇḍitajātakaṁ dvādasamaṁ.