“Puratova setena paleti hatthinā, majjhe pana assatarīrathena;
Puratova → purato ca (sya1ed, sya2ed) Pacchā ca kaññā sivikāya nīyati, obhāsayantī dasa sabbaso disā.
Pacchā → petā (bj, pts-vp-pli1-2) sabbaso → sabbato (sya1ed, sya2ed, pts-vp-pli1, mr)

Tumhe pana muggarahatthapāṇino, rudammukhā chinnapabhinnagattā; Manussabhūtā kimakattha pāpaṁ, yenaññamaññassa pivātha lohitan”ti.

“Puratova yo gacchati kuñjarena, setena nāgena catukkamena; Amhāka putto ahu jeṭṭhako so, dānāni datvāna sukhī pamodati.
ahu jeṭṭhako so → so pajeṭṭhako (sya1ed, sya2ed); sova jeṭṭho (mr)

Yo so majjhe assatarīrathena, catubbhi yuttena suvaggitena; Amhāka putto ahu majjhimo so, amaccharī dānavatī virocati.

Yā sā ca pacchā sivikāya nīyati, nārī sapaññā migamandalocanā; Amhāka dhītā ahu sā kaniṭṭhikā, bhāgaḍḍhabhāgena sukhī pamodati.

Ete ca dānāni adaṁsu pubbe, pasannacittā samaṇabrāhmaṇānaṁ; Mayaṁ pana maccharino ahumha, paribhāsakā samaṇabrāhmaṇānaṁ; Ete ca datvā paricārayanti, mayañca sussāma naḷova chinno”ti.
chinno”ti → khittoti (bj); dittoti (sya1ed, sya2ed, pts-vp-pli1)

“Kiṁ tumhākaṁ bhojanaṁ kiṁ sayānaṁ, kathañca yāpetha supāpadhammino; Pahūtabhogesu anappakesu, sukhaṁ virādhāya dukkhajja pattā”ti.
virādhāya → virāgāya (sya1ed, sya2ed, pts-vp-pli1, mr)

“Aññamaññaṁ vadhitvāna, pivāma pubbalohitaṁ; Bahuṁ pitvā na dhātā homa, nacchādimhase mayaṁ.
nacchādimhase → nacchādimhamhase (sya1ed, sya2ed); na ruccādimhase (mr)

Icceva maccā paridevayanti, adāyakā pecca yamassa ṭhāyino;
adāyakā pecca → adāyikā pecca (sya1ed, sya2ed) Ye te vidicca adhigamma bhoge, na bhuñjare nāpi karonti puññaṁ.
vidicca → viditvā (bj, pts-vp-pli2); viriccā (sya1ed, sya2ed); viviccā (pts-vp-pli1)

Te khuppipāsūpagatā parattha, pacchā ciraṁ jhāyare ḍayhamānā; Kammāni katvāna dukhudrāni, anubhonti dukkhaṁ kaṭukapphalāni.

Ittaraṁ hi dhanaṁ dhaññaṁ, ittaraṁ idha jīvitaṁ; Ittaraṁ ittarato ñatvā, dīpaṁ kayirātha paṇḍito.

Ye te evaṁ pajānanti, narā dhammassa kovidā; Te dāne nappamajjanti, sutvā arahataṁ vaco”ti.

Nāgapetavatthu ekādasamaṁ.