“Vipassissa bhagavato, ahosiṁ saṅkhadhammako; Niccupaṭṭhānayuttomhi, sugatassa mahesino.

Upaṭṭhānaphalaṁ passa, lokanāthassa tādino; Saṭṭhitūriyasahassāni, parivārenti maṁ sadā.

Ekanavutito kappe, upaṭṭhahiṁ mahāisiṁ; Duggatiṁ nābhijānāmi, upaṭṭhānassidaṁ phalaṁ.

Catuvīse ito kappe, mahānigghosanāmakā;
Catuvīse → catunavute (sya1ed, sya2ed, pts-vp-pli1) Soḷasāsiṁsu rājāno, cakkavattī mahabbalā.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā buddhupaṭṭhāko thero imā gāthāyo abhāsitthāti.

Buddhupaṭṭhākattherassāpadānaṁ dasamaṁ.

Sudhāvaggo dasamo.
Sudhāvaggo → sudhāpiṇḍiyavaggo (bj)

Tassuddānaṁ

Sudhā sucinti ceḷañca, sūcī ca gandhamāliyo; Tipupphiyo madhusenā, veyyāvacco cupaṭṭhako; Samasaṭṭhi ca gāthāyo, asmiṁ vagge pakittitā.

Atha vagguddānaṁ

Buddhavaggo hi paṭhamo, sīhāsani subhūti ca; Kuṇḍadhāno upāli ca, bījanisakacinti ca.

Nāgasamālo timiro, sudhāvaggena te dasa; Catuddasasatā gāthā, pañcapaññāsameva ca.

Buddhavaggadasakaṁ.

Paṭhamasatakaṁ samattaṁ.