“Suvaṇṇavaṇṇaṁ sambuddhaṁ, āhutīnaṁ paṭiggahaṁ; Pavarā abhinikkhantaṁ, vanā nibbanamāgataṁ.
Pavarā → pavanā (bj, sya1ed, sya2ed) vanā nibbanamāgataṁ → vānā nibbānamāgataṁ (sya1ed, sya2ed, pts-vp-pli1)

Kaṭacchubhikkhaṁ pādāsiṁ, siddhatthassa mahesino; Paññāya upasantassa, mahāvīrassa tādino.

Padenānupadāyantaṁ, nibbāpente mahājanaṁ;
Padenānupadāyantaṁ → padenānupadaṁ santaṁ (bj); padenānupadāyanto (si, sya1ed, sya2ed); padenānupadaṁyanto (pts-vp-pli1) Uḷārā vitti me jātā, buddhe ādiccabandhune.
buddhe ādiccabandhune → … bandhuni (bj); buddhassādiccabandhuno (si, sya1ed, sya2ed, pts-vp-pli1)

Catunnavutito kappe, yaṁ dānamadadiṁ tadā; Duggatiṁ nābhijānāmi, bhikkhādānassidaṁ phalaṁ.

Sattāsītimhito kappe, mahāreṇu sanāmakā; Sattaratanasampannā, sattete cakkavattino.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā bhikkhadāyako thero imā gāthāyo abhāsitthāti.
bhikkhadāyako → bhikkhādāyako (bj)

Bhikkhadāyakattherassāpadānaṁ paṭhamaṁ.