“Anomadassīmunino, bodhivedimakāsahaṁ; Sudhāya piṇḍaṁ datvāna, pāṇikammaṁ akāsahaṁ.

Disvā taṁ sukataṁ kammaṁ, anomadassī naruttamo; Bhikkhusaṅghe ṭhito satthā, imaṁ gāthaṁ abhāsatha.

‘Iminā sudhakammena, cetanāpaṇidhīhi ca; Sampattiṁ anubhotvāna, dukkhassantaṁ karissati’.

Pasannamukhavaṇṇomhi, ekaggo susamāhito; Dhāremi antimaṁ dehaṁ, sammāsambuddhasāsane.

Ito kappasate āsiṁ, paripuṇṇe anūnake;
paripuṇṇe anūnake → paripuṇṇo anūnako (sya1ed, sya2ed) Rājā sabbaghano nāma, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā anulepadāyako thero imā gāthāyo abhāsitthāti.
anulepadāyako → anulomadāyako (sya1ed, sya2ed, pts-vp-pli1)

Anulepadāyakattherassāpadānaṁ chaṭṭhaṁ.