“Pabbate himavantamhi, mahājātassaro ahu; Tatthajo rakkhaso āsiṁ, ghorarūpo mahabbalo.

Kumudaṁ pupphate tattha, cakkamattāni jāyare; Ocināmi ca taṁ pupphaṁ, balino samitiṁ tadā.

Atthadassī tu bhagavā, dvipadindo narāsabho; Pupphasaṅkocitaṁ disvā, āgacchi mama santikaṁ.
Pupphasaṅkocitaṁ → pupphaṁ samocitaṁ (bj); pupphaṁ saṅkocitaṁ (sya1ed, sya2ed, pts-vp-pli1)

Upāgatañca sambuddhaṁ, devadevaṁ narāsabhaṁ; Sabbañca pupphaṁ paggayha, buddhassa abhiropayiṁ.

Yāvatā himavantantā, parisā sā tadā ahu;
parisā sā → yāva mālā (sya1ed, sya2ed); himavantato yāva samantato (pts-vp-pli1) Tāvacchadanasampanno, agamāsi tathāgato.

Aṭṭhārase kappasate, yaṁ pupphamabhiropayiṁ; Duggatiṁ nābhijānāmi, buddhapūjāyidaṁ phalaṁ.

Ito pannarase kappe, sattāhesuṁ janādhipā; Sahassarathanāmā te, cakkavattī mahabbalā.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā kumudamāliyo thero imā gāthāyo abhāsitthāti.

Kumudamāliyattherassāpadānaṁ paṭhamaṁ.