“Tivarāyaṁ pure ramme, rājuyyānaṁ ahu tadā;
Tivarāyaṁ → tīvarāyaṁ (bj); tipurāyaṁ (sya1ed, sya2ed) Uyyānapālo tatthāsiṁ, rañño baddhacaro ahaṁ.

Padumo nāma nāmena, sayambhū sappabho ahu; Nisinnaṁ puṇḍarīkamhi, chāyā na jahi taṁ muniṁ.
Nisinnaṁ → nisinno (mr)

Asokaṁ pupphitaṁ disvā, piṇḍibhāraṁ sudassanaṁ; Buddhassa abhiropesiṁ, jalajuttamanāmino.

Catunnavutito kappe, yaṁ pupphamabhiropayiṁ; Duggatiṁ nābhijānāmi, buddhapūjāyidaṁ phalaṁ.

Sattatiṁsamhito kappe, soḷasa araṇañjahā;
araṇañjahā → aruṇañjahā (bj, pts-vp-pli1) Sattaratanasampannā, cakkavattī mahabbalā.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā asokapūjako thero imā gāthāyo abhāsitthāti.

Asokapūjakattherassāpadānaṁ catutthaṁ.