“Devaloke ṭhito santo, vipassissa mahesino; Dhammaṁ suṇitvā mudito, imaṁ vācaṁ abhāsahaṁ.
suṇitvā → sutvāna (sya-all) vācamabhāsahaṁ → vācaṁ abhāsahaṁ (bj: machasaṁ)

‘Namo te purisājañña, namo te purisuttama; Bahujjanaṁ tārayasi, desento amataṁ padaṁ’.
Bahujjanaṁ → bahuṁ janaṁ (bj, pts-vp-pli1) | bahujjanaṁ → bahuṁ janaṁ (bj, pts) | janaṁ → bahujjanaṁ (bj: machasaṁ) | Bahujjanaṁ → bahuṁ janaṁ (cck: sī.) | janaṁ → S1 G. bahujanaṁ. (pts note)

Ekanavutito kappe, yaṁ vācamabhaṇiṁ tadā;
ekanavutito → ekanavute ito (bj, sya-all, pts) vācamabhaṇiṁ → vācam abhaniṁ (pts) Duggatiṁ nābhijānāmi, thomanāya idaṁ phalaṁ.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.
sāsanaṁ → sāsananti (sya-all)

Itthaṁ sudaṁ āyasmā thomako thero imā gāthāyo abhāsitthāti.
thomako → thomadāyako (pts) | Thomadāyako → G. S1 Thomako. (pts note) | Thomadāyakattherassa → G. S1 Thomaka-. (pts note)

Thomakattherassāpadānaṁ paṭhamaṁ.
thomakattherassāpadānaṁ → thomakattherassa apadānaṁ (bj)