“Rathiyaṁ paṭipajjantaṁ, āhutīnaṁ paṭiggahaṁ; Dvipadindaṁ mahānāgaṁ, lokajeṭṭhaṁ narāsabhaṁ.

Pakkosāpiya tassāhaṁ, sabbalokahitesino; Upaṭṭhāko mayā dinno, siddhatthassa mahesino.

Paṭiggahetvā sambuddho, niyyādesi mahāmuni;
Paṭiggahetvā → paṭiggahetvāna (sya1ed, sya2ed); paṭiggahesi (mr) mahāmuni → mahāisi (mr) Uṭṭhāya āsanā tamhā, pakkāmi pācināmukho.

Catunnavutito kappe, upaṭṭhākamadaṁ tadā; Duggatiṁ nābhijānāmi, upaṭṭhānassidaṁ phalaṁ.

Sattapaññāsito kappe, balasenasanāmako; Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā upaṭṭhākadāyako thero imā gāthāyo abhāsitthāti.
upaṭṭhākadāyako → upaṭṭhāyiko (sya1ed, sya2ed); upaṭṭhāyako (pts-vp-pli1)

Upaṭṭhākadāyakattherassāpadānaṁ chaṭṭhaṁ.