“Nibbute lokanāthamhi, atthadassīnaruttame; Upaṭṭhahiṁ bhikkhusaṅghaṁ, vippasannena cetasā.
bhikkhusaṅghaṁ → saṅgharatanaṁ (bj, sya1ed, sya2ed, pts-vp-pli1)

Nimantetvā bhikkhusaṅghaṁ, ujubhūtaṁ samāhitaṁ; Ucchunā maṇḍapaṁ katvā, bhojesiṁ saṅghamuttamaṁ.

Yaṁ yaṁ yonupapajjāmi, devattaṁ atha mānusaṁ; Sabbe satte abhibhomi, puññakammassidaṁ phalaṁ.
abhibhomi → atihomi (pts-vp-pli1); atibhomi (mr)

Aṭṭhārase kappasate, yaṁ dānamadadiṁ tadā; Duggatiṁ nābhijānāmi, ucchudānassidaṁ phalaṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā adhimutto thero imā gāthāyo abhāsitthāti.
adhimutto → adhimuttako (sya1ed, sya2ed)

Adhimuttattherassāpadānaṁ chaṭṭhaṁ.