“Siddhatthassa bhagavato, thūpaseṭṭhassa sammukhā; Vicittadusse lagetvā, kapparukkhaṁ ṭhapesahaṁ.
lagetvā → laggetvā (bj, sya1ed, sya2ed); laṅghitvā (si); laṅghetvā (pts-vp-pli1)

Yaṁ yaṁ yonupapajjāmi, devattaṁ atha mānusaṁ; Sobhayanto mama dvāraṁ, kapparukkho patiṭṭhati.

Ahañca parisā ceva, ye keci mama vassitā;
mama vassitā → mama nissitā (bj, pts-vp-pli1); samavassikā (sya1ed, sya2ed) Tamhā dussaṁ gahetvāna, nivāsema mayaṁ sadā.
sadā → tadā (sya1ed, sya2ed, pts-vp-pli1)

Catunnavutito kappe, yaṁ rukkhaṁ ṭhapayiṁ ahaṁ; Duggatiṁ nābhijānāmi, kapparukkhassidaṁ phalaṁ.

Ito ca sattame kappe, suceḷā aṭṭha khattiyā; Sattaratanasampannā, cakkavattī mahabbalā.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā kapparukkhiyo thero imā gāthāyo abhāsitthāti.

Kapparukkhiyattherassāpadānaṁ dasamaṁ.

Kuṇḍadhānavaggo catuttho.

Tassuddānaṁ

Kuṇḍasāgatakaccānā, udāyī mogharājako; Adhimutto lasuṇado, āyāgī dhammacakkiko; Kapparukkhī ca dasamo, gāthā dvayadasasataṁ.
gāthā dvayadasasataṁ → gāthāyo dvādasasatanti (bj); gāthādvayaṁ dasasataṁpica (sya1ed, sya2ed); gāthā dvādasa sataṁti (pts-vp-pli1)