“Anomadassissa munino, lokajeṭṭhassa tādino; Sudhāya lepanaṁ katvā, caṅkamaṁ kārayiṁ ahaṁ.

Nānāvaṇṇehi pupphehi, caṅkamaṁ santhariṁ ahaṁ; Ākāse vitānaṁ katvā, bhojayiṁ buddhamuttamaṁ.

Añjaliṁ paggahetvāna, abhivādetvāna subbataṁ;
subbataṁ → pupphakaṁ (mr) Dīghasālaṁ bhagavato, niyyādesimahaṁ tadā.

Mama saṅkappamaññāya, satthā loke anuttaro; Paṭiggahesi bhagavā, anukampāya cakkhumā.

Paṭiggahetvāna sambuddho, dakkhiṇeyyo sadevake; Bhikkhusaṅghe nisīditvā, imā gāthā abhāsatha.

‘Yo so haṭṭhena cittena, dīghasālaṁ adāsi me;
adāsi → akāsi (bj) Tamahaṁ kittayissāmi, suṇātha mama bhāsato.

Imassa maccukālamhi, puññakammasamaṅgino; Sahassayuttassaratho, upaṭṭhissati tāvade.

Tena yānenayaṁ poso, devalokaṁ gamissati; Anumodissare devā, sampatte kusalabbhave.
kusalabbhave → kusale bhave (bj, sya1ed, sya2ed, pts-vp-pli1)

Mahārahaṁ byamhaṁ seṭṭhaṁ, ratanamattikalepanaṁ; Kūṭāgāravarūpetaṁ, byamhaṁ ajjhāvasissati.

Tiṁsakappasahassāni, devaloke ramissati; Pañcavīsati kappāni, devarājā bhavissati.

Sattasattatikkhattuñca, cakkavattī bhavissati; Yasodharasanāmā te, sabbepi ekanāmakā.
Yasodharasanāmā → yasodhara samānā (si); yasodharā samānā (pts-vp-pli1)

Dve sampattī anubhotvā, vaḍḍhetvā puññasañcayaṁ;
vaḍḍhetvā → cinitvā (bj, sya1ed, sya2ed); vinditvā (pts-vp-pli1) Aṭṭhavīsatikappamhi, cakkavattī bhavissati.

Tatrāpi byamhaṁ pavaraṁ, vissakammena māpitaṁ; Dasasaddāvivittaṁ taṁ, puramajjhāvasissati.

Aparimeyye ito kappe, bhūmipālo mahiddhiko; Okkāko nāma nāmena, rājā raṭṭhe bhavissati.

Soḷasitthisahassānaṁ, sabbāsaṁ pavarā ca sā;
pavarā ca sā → pavarāvayā (sya1ed, sya2ed); pavarā mayā (pts-vp-pli1); pavarā piyā (?) Abhijātā khattiyānī, nava putte janessati.

Nava putte janetvāna, khattiyānī marissati; Taruṇī ca piyā kaññā, mahesittaṁ karissati.

Okkākaṁ tosayitvāna, varaṁ kaññā labhissati; Varaṁ laddhāna sā kaññā, putte pabbājayissati.

Pabbājitā ca te sabbe, gamissanti naguttamaṁ; Jātibhedabhayā sabbe, bhaginīhi vasissare.
vasissare → saṁvasissare (bj, pts-vp-pli1)

Ekā ca kaññā byādhīhi, bhavissati parikkhatā;
parikkhatā → purakkhatā (si, sya1ed, sya2ed, pts-vp-pli1, mr) Mā no jāti pabhijjīti, nikhaṇissanti khattiyā.

Khattiyo nīharitvāna, tāya saddhiṁ vasissati; Bhavissati tadā bhedo, okkākakulasambhavo.

Tesaṁ pajā bhavissanti, koḷiyā nāma jātiyā; Tattha mānusakaṁ bhogaṁ, anubhossatinappakaṁ.

Tamhā kāyā cavitvāna, devalokaṁ gamissati; Tatrāpi pavaraṁ byamhaṁ, labhissati manoramaṁ.

Devalokā cavitvāna, sukkamūlena codito; Āgantvāna manussattaṁ, soṇo nāma bhavissati.

Āraddhavīriyo pahitatto, padahaṁ satthu sāsane; Sabbāsave pariññāya, nibbāyissatināsavo.

Anantadassī bhagavā, gotamo sakyapuṅgavo; Visesaññū mahāvīro, aggaṭṭhāne ṭhapessati’.

Vuṭṭhamhi deve caturaṅgulamhi, tiṇe anileritaaṅgaṇamhi; Ṭhatvāna yogassa payuttatādino, tatottariṁ pāramatā na vijjati.

Uttame damathe danto, cittaṁ me supaṇīhitaṁ; Bhāro me ohito sabbo, nibbutomhi anāsavo.
anāsavo → ayaṁ gāthā bj potthake

Aṅgīraso mahānāgo, abhijātova kesarī; Bhikkhusaṅghe nisīditvā, etadagge ṭhapesi maṁ.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā soṇo koḷiviso thero imā gāthāyo abhāsitthāti.
āyasmā soṇo koḷiviso → soṇo koṭikaṇṇo (bj, mr); soṇo koṭiyavesso (sya1ed, sya2ed); soṇo koḷiyavesso (pts-vp-pli1)

Soṇakoḷivisattherassāpadānaṁ dutiyaṁ.