“Anomadassī bhagavā, lokajeṭṭho narāsabho; Divāvihārā nikkhamma, pathamāruhi cakkhumā.
pathamāruhi → vīthimāruyhi (sya1ed, sya2ed) | pathamāruhi → vīthimāruyhi (sya-all) | pathamāruhi → pītimāruyhi (cck: syā.)

Pānadhiṁ sukataṁ gayha, addhānaṁ paṭipajjahaṁ; Tatthaddasāsiṁ sambuddhaṁ, pattikaṁ cārudassanaṁ.

Sakaṁ cittaṁ pasādetvā, nīharitvāna pānadhiṁ;
pānadhiṁ → G. pānadi; S1 pāṇadhiṁ; S2 pānayiṁ. (pts note) Pādamūle ṭhapetvāna, idaṁ vacanamabraviṁ.

‘Abhirūha mahāvīra, sugatinda vināyaka; Ito phalaṁ labhissāmi, so me attho samijjhatu’.
labhissāmi → G. labhāmi. (pts note) so → yo (bj, pts)

Anomadassī bhagavā, lokajeṭṭho narāsabho; Pānadhiṁ abhirūhitvā, idaṁ vacanamabravi.
vacanamabravi → vacanamabravī (bj) | idaṁ vacanamabravi → imaṁ vacanam abravi (pts)

‘Yo pānadhiṁ me adāsi, pasanno sehi pāṇibhi;
adāsi → adadā (bj, pts) pāṇibhi → pāṇihi (bj) | pāṇibhi tamahaṁ → pāṇihi tam ahaṁ (pts) | pāṇihi → G. pāṇīhi. (pts note) Tamahaṁ kittayissāmi, suṇātha mama bhāsato’.
suṇātha → suṇotha (bj, pts)

Buddhassa giramaññāya, sabbe devā samāgatā; Udaggacittā sumanā, vedajātā katañjalī.

‘Pānadhīnaṁ padānena, sukhitoyaṁ bhavissati;
pānadhīnaṁ padānena → pānadhimeva dānena (sya-all) | padānena → S1 S2 padhānena. (pts note) Pañcapaññāsakkhattuñca, devarajjaṁ karissati.

Sahassakkhattuṁ rājā ca, cakkavattī bhavissati;
cakkavattī → cakkavatti (sya-all) Padesarajjaṁ vipulaṁ, gaṇanāto asaṅkhiyaṁ.
asaṅkhiyaṁ → asaṅkhayaṁ (sya-all)

Aparimeyye ito kappe, okkākakulasambhavo; Gotamo nāma gottena, satthā loke bhavissati.
gottena → nāmena (sabbattha) | gottena → nāmena (bj, sya-all, pts) | gottena → nāmena (cck: sabbattha)

Tassa dhammesu dāyādo, oraso dhammanimmito; Sabbāsave pariññāya, nibbāyissatināsavo.
nibbāyissatināsavo → nibbāyissatanāsavo (bj, pts)

Devaloke manusse vā, nibbattissati puññavā;
puññavā → paññavā (sya-all) Devayānapaṭibhāgaṁ, yānaṁ paṭilabhissati’.

Pāsādā sivikā vayhaṁ, hatthino samalaṅkatā;
vayhaṁ → mayhaṁ (bj, sya-all, pts) | mayhaṁ → vayhaṁ (bj: sīmu) Rathā vājaññasaṁyuttā, sadā pātubhavanti me.
vājaññasaṁyuttā → cājaññasaṁyuttā (bj)

Agārā nikkhamantopi, rathena nikkhamiṁ ahaṁ;
nikkhamiṁ → nikkhamām (pts) Kesesu chijjamānesu, arahattamapāpuṇiṁ.

Lābhā mayhaṁ suladdhaṁ me, vāṇijjaṁ suppayojitaṁ;
vāṇijjaṁ → vānijjaṁ (pts) Datvāna pānadhiṁ ekaṁ, pattomhi acalaṁ padaṁ.

Aparimeyye ito kappe, yaṁ pānadhimadāsahaṁ;
pānadhim → G. pānadiṁ. (pts note) Duggatiṁ nābhijānāmi, pānadhissa idaṁ phalaṁ.

Kilesā jhāpitā mayhaṁ, …pe…
jhāpitā mayhaṁ → (pts) viharāmi anāsavo.

Svāgataṁ vata me āsi, …pe… kataṁ buddhassa sāsanaṁ.

Paṭisambhidā catasso, …pe…
catasso → (pts) kataṁ buddhassa sāsanaṁ”.
sāsanaṁ → sāsananti (sya-all)

Itthaṁ sudaṁ āyasmā pānadhidāyako thero imā gāthāyo abhāsitthāti.
Pānadhidāyako → G. Pānadi-. (pts note)

Pānadhidāyakattherassāpadānaṁ navamaṁ.
pānadhidāyakattherassāpadānaṁ → pānadhidāyakattherassa apadānaṁ (bj)