“Ubbiddhaṁ selamāruyha, nisīdi purisuttamo;
Ubbiddhaṁ → ucciyaṁ (bj) Pabbatassāvidūramhi, brāhmaṇo mantapāragū.

Upaviṭṭhaṁ mahāvīraṁ, devadevaṁ narāsabhaṁ; Añjaliṁ paggahetvāna, santhaviṁ lokanāyakaṁ.

‘Esa buddho mahāvīro, varadhammappakāsako; Jalati aggikhandhova, bhikkhusaṅghapurakkhato.

Mahāsamuddovakkhubbho, aṇṇavova duruttaro;
Mahāsamuddovakkhubbho → ' … kkhobho (bj); … kkhobbho (pts-vp-pli1) Migarājāvasambhīto, dhammaṁ deseti cakkhumā’.
Migarājāvasambhīto → … chambhito (mr)

Mama saṅkappamaññāya, padumuttaranāyako; Bhikkhusaṅghe ṭhito satthā, imā gāthā abhāsatha.

‘Yenāyaṁ añjalī dinno, buddhaseṭṭho ca thomito;
Yenāyaṁ → yenāhaṁ (mr) Tiṁsakappasahassāni, devarajjaṁ karissati.

Kappasatasahassamhi, aṅgīrasasanāmako; Vivaṭṭacchado sambuddho, uppajjissati tāvade.
Vivaṭṭacchado → vivattacchaddo (bj); vivattachaddo (pts-vp-pli1)

Tassa dhammesu dāyādo, oraso dhammanimmito; Sataraṁsīti nāmena, arahā so bhavissati’.

Jātiyā sattavassohaṁ, pabbajiṁ anagāriyaṁ; Sataraṁsimhi nāmena, pabhā niddhāvate mama.

Maṇḍape rukkhamūle vā, jhāyī jhānarato ahaṁ; Dhāremi antimaṁ dehaṁ, sammāsambuddhasāsane.

Saṭṭhikappasahassamhi, caturo rāmanāmakā; Sattaratanasampannā, cakkavattī mahabbalā.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā sataraṁsi thero imā gāthāyo abhāsitthāti.
sataraṁsi → sataraṁsiyo (bj, sya1ed, sya2ed, pts-vp-pli1)

Sataraṁsittherassāpadānaṁ dutiyaṁ.
Sataraṁsittherassāpadānaṁ → sataraṁsikat … (bj, pts-vp-pli1); sataraṁsiyattherassa … (sya1ed, sya2ed)