“Padumuttarabuddhassa, lokajeṭṭhassa tādino; Bījanikā mayā dinnā, dvipadindassa tādino.
Bījanikā → vījanikā (bj, pts-vp-pli1); vījanekā (sya1ed, sya2ed)

Sakaṁ cittaṁ pasādetvā, paggahetvāna añjaliṁ; Sambuddhamabhivādetvā, pakkamiṁ uttarāmukho.

Bījaniṁ paggahetvāna, satthā lokagganāyako;
lokagganāyako → loke anuttaro (bj) Bhikkhusaṅghe ṭhito santo, imā gāthā abhāsatha.

‘Iminā bījanidānena, cittassa paṇidhīhi ca;
cittassa paṇidhīhi → cetanāpaṇidhīhi (aññattha) Kappānaṁ satasahassaṁ, vinipātaṁ na gacchati’.

Āraddhavīriyo pahitatto, cetoguṇasamāhito; Jātiyā sattavassohaṁ, arahattaṁ apāpuṇiṁ.

Saṭṭhikappasahassamhi, bījamānasanāmakā; Soḷasāsiṁsu rājāno, cakkavattī mahabbalā.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ āyasmā vidhūpanadāyako thero imā gāthāyo abhāsitthāti.

Vidhūpanadāyakattherassāpadānaṁ paṭhamaṁ.