“Padumuttarabuddhassa, mahābodhimaho ahu; Vicittaṁ ghaṭamādāya, gandhodakamadāsahaṁ.

Nhānakāle ca bodhiyā, mahāmegho pavassatha; Ninnādo ca mahā āsi, asaniyā phalantiyā.

Tenevāsanivegena, tattha kālaṅkato ahaṁ;
kālaṅkato → kālakato (bj, sya1ed, sya2ed, pts-vp-pli1) | ahaṁ → ahuṁ (bj) Devaloke ṭhito santo, imā gāthā abhāsahaṁ.

‘Aho buddhā aho dhammā, aho no satthusampadā;
Aho buddhā aho dhammā → aho buddho aho dhammo (bj, sya1ed, sya2ed, csp1ed) 19Th1.A:402 (415 piṭṭhe) Kaḷevaraṁ me patitaṁ, devaloke ramāmahaṁ.
Kaḷevaraṁ → kalebaraṁ (bj, pts-vp-pli1)

Ubbiddhaṁ bhavanaṁ mayhaṁ, satabhūmaṁ samuggataṁ; Kaññāsatasahassāni, parivārenti maṁ sadā.

Ābādhā me na vijjanti, soko mayhaṁ na vijjati; Pariḷāhaṁ na passāmi, puññakammassidaṁ phalaṁ.

Aṭṭhavīse kappasate, rājā saṁvasito ahuṁ; Sattaratanasampanno, cakkavattī mahabbalo’.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā gandhodakiyo thero imā gāthāyo abhāsitthāti.
gandhodakiyo → gandhodakadāyako (sya1ed, sya2ed)

Gandhodakiyattherassāpadānaṁ catutthaṁ.