“Padumuttarabuddhassa, ājānīyamadāsahaṁ; Niyyādetvāna sambuddhe, agamāsiṁ sakaṁ gharaṁ.
sambuddhe → sambuddhaṁ (mr)

Devalo nāma nāmena, satthuno aggasāvako; Varadhammassa dāyādo, āgacchi mama santikaṁ.

Sapattabhāro bhagavā, ājāneyyo na kappati; Tava saṅkappamaññāya, adhivāsesi cakkhumā.

Agghāpetvā vātajavaṁ, sindhavaṁ sīghavāhanaṁ; Padumuttarabuddhassa, khamanīyamadāsahaṁ.

Yaṁ yaṁ yonupapajjāmi, devattaṁ atha mānusaṁ;
devattaṁ atha mānusaṁ → deve ca mānuse bhave (si, mr); bhavane sabbadā mama (pts-vp-pli1) Khamanīyaṁ vātajavaṁ, cittaṁ nibbattate mama.
cittaṁ nibbattate → cittā nibbattare (bj); vitti nibbattare (sya1ed, sya2ed); citte nibbattare (pts-vp-pli1)

Lābhaṁ tesaṁ suladdhaṁva, ye labhantupasampadaṁ; Punapi payirupāseyyaṁ, buddho loke sace bhave.

Aṭṭhavīsatikkhattuṁhaṁ, rājā āsiṁ mahabbalo; Cāturanto vijitāvī, jambusaṇḍassa issaro.
jambusaṇḍassa → jambūdīpassa (sya1ed, sya2ed); jambumaṇḍassa (mr)

Idaṁ pacchimakaṁ mayhaṁ, carimo vattate bhavo; Pattosmi acalaṁ ṭhānaṁ, hitvā jayaparājayaṁ.

Catutiṁsasahassamhi, mahātejosi khattiyo; Sattaratanasampanno, cakkavattī mahabbalo.

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā opavayho thero imā gāthāyo abhāsitthāti.
opavayho → opavuyho (sya1ed, sya2ed, pts-vp-pli1)

Opavayhattherassāpadānaṁ pañcamaṁ.