“Tissassāhaṁ bhagavato, upaḍḍhadussamadāsahaṁ; Paramakāpaññapattomhi, duggatena samappito.
Paramakāpaññapattomhi → paramakāruññapattomhi (si, sya1ed, sya2ed, mr); parakāpaññapattomhi (pts-vp-pli1) duggatena → duggandhena (bj, pts-vp-pli1)

Upaḍḍhadussaṁ datvāna, kappaṁ saggamhi modahaṁ; Avasesesu kappesu, kusalaṁ kāritaṁ mayā.

Dvenavute ito kappe, yaṁ dussamadadiṁ tadā; Duggatiṁ nābhijānāmi, dussadānassidaṁ phalaṁ.

Ekūnapaññāsakappamhi, rājāno cakkavattino;
Ekūnapaññāsakappamhi → ekūnapaṇṇekappamhi (bj); ekapaññāsakappamhi (sya1ed, sya2ed); ekūnapaṇṇe kappamhi (pts-vp-pli1) Samantacchadanā nāma, bāttiṁsāsuṁ janādhipā.
bāttiṁsāsuṁ → battiṁsāsuṁ (bj); khattiyāsuṁ (sya1ed, sya2ed, mr); battiṁsāsu (pts-vp-pli1)

Paṭisambhidā catasso, …pe… kataṁ buddhassa sāsanaṁ”.

Itthaṁ sudaṁ āyasmā aḍḍhaceḷako thero imā gāthāyo abhāsitthāti.
aḍḍhaceḷako → aḍḍhacelako (bj, sya1ed, sya2ed, pts-vp-pli1)

Aḍḍhaceḷakattherassāpadānaṁ tatiyaṁ.