Namo tassa Bhagavato Arahato Sammāsambuddhassa.

Atha therikāpadānāni suṇātha—

“Bhagavati koṇāgamane, saṅghārāmamhi navanivesanamhi;
navanivesanamhi → navanivesamhi (bj, pts-vp-pli1); nivesamhi (sya1ed, sya2ed) Sakhiyo tisso janiyo, vihāradānaṁ adāsimha.

Dasakkhattuṁ satakkhattuṁ, dasasatakkhattuṁ satānañca satakkhattuṁ;
satānañca satakkhattuṁ → satāni ca sattakkhattuṁ (mr) Devesu upapajjimha, ko vādo mānuse bhave.

Deve mahiddhikā ahumha, mānusakamhi ko vādo; Sattaratanamahesī, itthiratanaṁ ahaṁ bhaviṁ.
Sattaratanamahesī → sattaratanassa mahesī (bj, sya1ed, sya2ed, pts-vp-pli1)

Idha sañcitakusalā, susamiddhakulappajā;
Idha sañcitakusalā → tattha sañcitaṁ kusalaṁ (sya1ed, sya2ed); idha sañcitā kusalaṁ (pts-vp-pli1) Dhanañjānī ca khemā ca, ahampi ca tayo janā.

Ārāmaṁ sukataṁ katvā, sabbāvayavamaṇḍitaṁ; Buddhappamukhasaṅghassa, niyyādetvā samoditā.

Yattha yatthūpapajjāmi, tassa kammassa vāhasā; Devesu aggataṁ pattā, manussesu tatheva ca.

Imasmiṁyeva kappamhi, brahmabandhu mahāyaso; Kassapo nāma gottena, uppajji vadataṁ varo.

Upaṭṭhāko mahesissa, tadā āsi narissaro; Kāsirājā kikī nāma, bārāṇasipuruttame.

Tassāsuṁ satta dhītaro, rājakaññā sukhedhitā;
sukhedhitā → sukhe ṭhitā (sya1ed, sya2ed, pts-vp-pli1) Buddhopaṭṭhānaniratā, brahmacariyaṁ cariṁsu tā.

Tāsaṁ sahāyikā hutvā, sīlesu susamāhitā; Datvā dānāni sakkaccaṁ, agāreva vataṁ cariṁ.
agāreva vataṁ → agāreva vattaṁ (sya1ed, sya2ed)

Tena kammena sukatena, cetanāpaṇidhīhi ca; Jahitvā mānusaṁ dehaṁ, tāvatiṁsūpagā ahaṁ.

Tato cutā yāmamagaṁ, tatohaṁ tusitaṁ gatā;
yāmamagaṁ → yāmāsaggaṁ (sya1ed, sya2ed) Tato ca nimmānaratiṁ, vasavattipuraṁ tato.

Yattha yatthūpapajjāmi, puññakammasamohitā; Tattha tattheva rājūnaṁ, mahesittamakārayiṁ.

Tato cutā manussatte, rājūnaṁ cakkavattinaṁ; Maṇḍalīnañca rājūnaṁ, mahesittamakārayiṁ.

Sampattimanubhotvāna, devesu mānusesu ca; Sabbattha sukhitā hutvā, nekajātīsu saṁsariṁ.

So hetu ca so pabhavo, tammūlaṁ sāsane khamaṁ;
tammūlaṁ sāsane khamaṁ → tammūlaṁ sā ca sāsane khanti (bj, mr); taṁ mūlaṁ sā ca sāsane khanti (pts-vp-pli1) Paṭhamaṁ taṁ samodhānaṁ, taṁ dhammaratāya nibbānaṁ.
nibbānaṁ → nibbutaṁ (sya1ed, sya2ed)

Kilesā jhāpitā mayhaṁ, bhavā sabbe samūhatā; Nāgīva bandhanaṁ chetvā, viharāmi anāsavā.

Svāgataṁ vata me āsi, buddhaseṭṭhassa santike;
buddhaseṭṭhassa → mama buddhassa (pts-vp-pli1, csp1ed) Tisso vijjā anuppattā, kataṁ buddhassa sāsanaṁ.

Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṁ buddhassa sāsanaṁ”.

Itthaṁ sudaṁ sumedhā bhikkhunī imā gāthāyo abhāsitthāti.

Sumedhātheriyāpadānaṁ paṭhamaṁ.