“Api sakkova devindo, ramme cittalatāvane; Samantā anupariyāsi, nārīgaṇapurakkhatā; Obhāsentī disā sabbā, osadhī viya tārakā.

Kena tetādiso vaṇṇo, kena te idha mijjhati; Uppajjanti ca te bhogā, ye keci manaso piyā.

Pucchāmi taṁ devi mahānubhāve, manussabhūtā kimakāsi puññaṁ; Kenāsi evaṁ jalitānubhāvā, vaṇṇo ca te sabbadisā pabhāsatī”ti.

Sā devatā attamanā, moggallānena pucchitā; Pañhaṁ puṭṭhā viyākāsi, yassa kammassidaṁ phalaṁ.

“Ahaṁ manussesu manussabhūtā, dāsī ahosiṁ parapessiyā kule.
parapessiyā → parapesiyā (mr)

Upāsikā cakkhumato, gotamassa yasassino; Tassā me nikkamo āsi, sāsane tassa tādino.

Kāmaṁ bhijjatuyaṁ kāyo, neva atthettha saṇṭhanaṁ;
saṇṭhanaṁ → santhanaṁ (bj, sya1ed, sya2ed, pts-vp-pli1-2) Sikkhāpadānaṁ pañcannaṁ, maggo sovatthiko sivo.

Akaṇṭako agahano, uju sabbhi pavedito; Nikkamassa phalaṁ passa, yathidaṁ pāpuṇitthikā.

Āmantanikā raññomhi, sakkassa vasavattino; Saṭṭhi tūriyasahassāni, paṭibodhaṁ karonti me.
tūriyasahassāni → turiya … (bj, sya1ed, sya2ed, pts-vp-pli1-2)

Ālambo gaggaro bhīmo, sādhuvādī ca saṁsayo;
gaggaro → gaggamo (sya1ed, sya2ed); bhaggaro (mr) | bhīmo → bhimmo (mr) Pokkharo ca suphasso ca, viṇāmokkhā ca nāriyo.
viṇāmokkhā → vīṇāmokkhā (sya1ed, sya2ed); vilāmokkhā (mr)

Nandā ceva sunandā ca, soṇadinnā sucimhitā;
sucimhitā → sucimbhikā (sya1ed) Alambusā missakesī ca, puṇḍarīkāti dāruṇī.

Eṇīphassā suphassā ca, subhaddā muduvādinī; Etā caññā ca seyyāse, accharānaṁ pabodhikā.

Tā maṁ kālenupāgantvā, abhibhāsanti devatā; Handa naccāma gāyāma, handa taṁ ramayāmase.

Nayidaṁ akatapuññānaṁ, katapuññānamevidaṁ; Asokaṁ nandanaṁ rammaṁ, tidasānaṁ mahāvanaṁ.

Sukhaṁ akatapuññānaṁ, idha natthi parattha ca; Sukhañca katapuññānaṁ, idha ceva parattha ca.

Tesaṁ sahabyakāmānaṁ, kattabbaṁ kusalaṁ bahuṁ; Katapuññā hi modanti, sagge bhogasamaṅgino”ti.

Dāsivimānaṁ paṭhamaṁ.
Dāsivimānaṁ → dāsīvimānaṁ (bj, sya1ed, sya2ed)