“Abhikkantena vaṇṇena, yā tvaṁ tiṭṭhasi devate; Obhāsentī disā sabbā, osadhī viya tārakā.

Kena tetādiso vaṇṇo, …pe… Vaṇṇo ca te sabbadisā pabhāsatī”ti.

Sā devatā attamanā, …pe… yassa kammassidaṁ phalaṁ.

“Uposathāti maṁ aññaṁsu, sāketāyaṁ upāsikā; Saddhā sīlena sampannā, saṁvibhāgaratā sadā.

Acchādanañca bhattañca, senāsanaṁ padīpiyaṁ; Adāsiṁ ujubhūtesu, vippasannena cetasā.

Cātuddasiṁ pañcadasiṁ, yā ca pakkhassa aṭṭhamī; Pāṭihāriyapakkhañca, aṭṭhaṅgasusamāgataṁ.

Uposathaṁ upavasissaṁ, sadā sīlesu saṁvutā; Saññamā saṁvibhāgā ca, vimānaṁ āvasāmahaṁ.

Pāṇātipātā viratā, musāvādā ca saññatā; Theyyā ca aticārā ca, majjapānā ca ārakā.

Pañcasikkhāpade ratā, ariyasaccāna kovidā; Upāsikā cakkhumato, gotamassa yasassino.

Tena metādiso vaṇṇo, …pe… Vaṇṇo ca me sabbadisā pabhāsatī”ti.

“Abhikkhaṇaṁ nandanaṁ sutvā, chando me udapajjatha;
udapajjatha → upapajjatha (si, sya1ed, sya2ed, pts-vp-pli1-2) Tattha cittaṁ paṇidhāya, upapannāmhi nandanaṁ.

Nākāsiṁ satthu vacanaṁ, buddhassādiccabandhuno; Hīne cittaṁ paṇidhāya, sāmhi pacchānutāpinī”ti.

“Kīva ciraṁ vimānamhi, idha vacchasuposathe;
vacchasuposathe → vassasuposathe (bj, sya1ed, sya2ed, pts-vp-pli1-2) Devate pucchitācikkha, yadi jānāsi āyuno”ti.

“Saṭṭhi vassasahassāni, tisso ca vassakoṭiyo;
Saṭṭhi vassasahassāni → saṭṭhi satasahassāni (?) Idha ṭhatvā mahāmuni, ito cutā gamissāmi; Manussānaṁ sahabyatan”ti.

“Mā tvaṁ uposathe bhāyi, sambuddhenāsi byākatā; Sotāpannā visesayi, pahīnā tava duggatī”ti.

Uposathāvimānaṁ sattamaṁ.
Uposathāvimānaṁ → uposathavimānaṁ (sya1ed, sya2ed)