“Abhikkantena vaṇṇena, yā tvaṁ tiṭṭhasi devate; Obhāsentī disā sabbā, osadhī viya tārakā.

Kena tetādiso vaṇṇo, kena te idha mijjhati; Uppajjanti ca te bhogā, ye keci manaso piyā.

Pucchāmi taṁ devi mahānubhāve, manussabhūtā kimakāsi puññaṁ; Kenāsi evaṁ jalitānubhāvā, vaṇṇo ca te sabbadisā pabhāsatī”ti.

Sā devatā attamanā, moggallānena pucchitā;
sā → nāgatāpyayaṁ gāthā sīhalakkharavimānavatthumhi, tassaṁ aṭṭhakathāyaṁ āgatā, tasmā sā idha pakkhittā (bj note) Pañhaṁ puṭṭhā viyākāsi, yassa kammassidaṁ phalaṁ.

“Soṇadinnāti maṁ aññaṁsu, nāḷandāyaṁ upāsikā;
aññaṁsu nāḷandāyaṁ → aññiṁsu nālandāyaṁ (bj, sya-all, pts) | aññiṁsu → aññaṁsu, (bj: machasaṁ) | aññiṁsu → B, N, VvA(R) aññaṁsu (pts note) Saddhā sīlena sampannā, saṁvibhāgaratā sadā.

Acchādanañca bhattañca, senāsanaṁ padīpiyaṁ; Adāsiṁ ujubhūtesu, vippasannena cetasā.

Cātuddasiṁ pañcadasiṁ, yā ca pakkhassa aṭṭhamī;
aṭṭhamī → R yā ca . . . aṭṭhamiṁ; C1, 2, VvA(C) yāva . . . Cf. No.15, 6 (pts note) Pāṭihāriyapakkhañca, aṭṭhaṅgasusamāgataṁ.

Uposathaṁ upavasissaṁ, sadā sīlesu saṁvutā;
upavasissaṁ → upavasiṁ (sya-all) | upavasissaṁ → R, T upavasiṁ (pts note) saṁvutā → R, T sīle susaṁvutā (pts note) Saññamā saṁvibhāgā ca, vimānaṁ āvasāmahaṁ.

Pāṇātipātā viratā, musāvādā ca saññatā; Theyyā ca aticārā ca, majjapānā ca ārakā.

Pañcasikkhāpade ratā, ariyasaccāna kovidā; Upāsikā cakkhumato, gotamassa yasassino.

Tena metādiso vaṇṇo, …pe… Vaṇṇo ca me sabbadisā pabhāsatī”ti.

Soṇadinnāvimānaṁ chaṭṭhaṁ.
chaṭṭhaṁ → (pts)