“Nīlā pītā ca kāḷā ca, mañjiṭṭhā atha lohitā;
mañjiṭṭhā → mañjeṭṭhā (bj, pts-vp-pli1-2); mañjaṭṭhā (pts-vp-pli-a) Uccāvacānaṁ vaṇṇānaṁ, kiñjakkhaparivāritā.

Mandāravānaṁ pupphānaṁ, mālaṁ dhāresi muddhani; Nayime aññesu kāyesu, rukkhā santi sumedhase.

Kena kāyaṁ upapannā, tāvatiṁsaṁ yasassinī; Devate pucchitācikkha, kissa kammassidaṁ phalan”ti.

“Bhadditthikāti maṁ aññaṁsu, kimilāyaṁ upāsikā;
Bhadditthikāti → bhadditthīti (bj) Saddhā sīlena sampannā, saṁvibhāgaratā sadā.

Acchādanañca bhattañca, senāsanaṁ padīpiyaṁ; Adāsiṁ ujubhūtesu, vippasannena cetasā.

Cātuddasiṁ pañcadasiṁ, yā ca pakkhassa aṭṭhamī; Pāṭihāriyapakkhañca, aṭṭhaṅgasusamāgataṁ.

Uposathaṁ upavasissaṁ, sadā sīlesu saṁvutā; Saññamā saṁvibhāgā ca, vimānaṁ āvasāmahaṁ.

Pāṇātipātā viratā, musāvādā ca saññatā; Theyyā ca aticārā ca, majjapānā ca ārakā.

Pañcasikkhāpade ratā, ariyasaccāna kovidā; Upāsikā cakkhumato, appamādavihārinī;
appamādavihārinī → … vihāriṇī (bj) Katāvāsā katakusalā tato cutā, sayaṁpabhā anuvicarāmi nandanaṁ.
Katāvāsā … nandanaṁ: etthantare pāṭho si potthake natthi | Katāvāsā katakusalā → katāvakāsā katakusalā (sya1ed, sya2ed, mr); katāvakānā katakusalā (pts-vp-pli1-2)

Bhikkhū cāhaṁ paramahitānukampake, abhojayiṁ tapassiyugaṁ mahāmuniṁ;
cāhaṁ → cahaṁ (bj, pts-vp-pli1-2) Katāvāsā katakusalā tato cutā, sayaṁpabhā anuvicarāmi nandanaṁ.
Katāvāsā katakusalā → katāvakāsā katakusalā (sya1ed, sya2ed, pts-vp-pli1-2, mr)

Aṭṭhaṅgikaṁ aparimitaṁ sukhāvahaṁ, uposathaṁ satatamupāvasiṁ ahaṁ; Katāvāsā katakusalā tato cutā, sayaṁpabhā anuvicarāmi nandanan”ti.
Katāvāsā katakusalā → katāvakāsā katakusalā (sya1ed, sya2ed, pts-vp-pli1-2, mr)

Bhadditthivimānaṁ pañcamaṁ.
Bhadditthivimānaṁ → bhadditthikāvimānaṁ (sya1ed, sya2ed)