“Caṇḍāli vanda pādāni, gotamassa yasassino; Tameva anukampāya, aṭṭhāsi isisattamo.
Tameva → taveva (bj) isisattamo → isisuttamo (si)

Abhippasādehi manaṁ, arahantamhi tādini;
tādini → tādinī (bj); tādine (sya1ed, sya2ed, mr) Khippaṁ pañjalikā vanda, parittaṁ tava jīvitan”ti.

Coditā bhāvitattena, sarīrantimadhārinā; Caṇḍālī vandi pādāni, gotamassa yasassino.

Tamenaṁ avadhī gāvī, caṇḍāliṁ pañjaliṁ ṭhitaṁ; Namassamānaṁ sambuddhaṁ, andhakāre pabhaṅkaranti.

“Khīṇāsavaṁ vigatarajaṁ anejaṁ, ekaṁ araññamhi raho nisinnaṁ; Deviddhipattā upasaṅkamitvā, vandāmi taṁ vīra mahānubhāvan”ti.

“Suvaṇṇavaṇṇā jalitā mahāyasā, vimānamoruyha anekacittā; Parivāritā accharāsaṅgaṇena, kā tvaṁ subhe devate vandase maman”ti.
accharāsaṅgaṇena → accharānaṁ gaṇena (bj)

“Ahaṁ bhaddante caṇḍālī, tayā vīrena pesitā;
vīrena → therena (pts-vp-pli1-2, mr) Vandiṁ arahato pāde, gotamassa yasassino.

Sāhaṁ vanditvā pādāni, cutā caṇḍālayoniyā;
vanditvā → vanditva (bj, pts-vp-pli1-2) Vimānaṁ sabbato bhaddaṁ, upapannamhi nandane.

Accharānaṁ satasahassaṁ, purakkhatvāna tiṭṭhati;
purakkhatvāna → purakkhitvā maṁ (sya1ed, sya2ed, mr) Tāsāhaṁ pavarā seṭṭhā, vaṇṇena yasasāyunā.

Pahūtakatakalyāṇā, sampajānā paṭissatā;
paṭissatā → patissatā (bj, sya1ed, sya2ed, pts-vp-pli1-2) Muniṁ kāruṇikaṁ loke, taṁ bhante vanditumāgatā”ti.

Idaṁ vatvāna caṇḍālī, kataññū katavedinī; Vanditvā arahato pāde, tatthevantaradhāyathāti.
tatthevantaradhāyathāti → tatthevantaradhāyatīti (sya1ed, sya2ed, mr)

Caṇḍālivimānaṁ catutthaṁ.