“Obhāsayitvā pathaviṁ sadevakaṁ, atirocasi candimasūriyā viya;
pathaviṁ → paṭhaviṁ (bj, sya1ed, sya2ed, pts-vp-pli1-2) Siriyā ca vaṇṇena yasena tejasā, brahmāva deve tidase sahindake.
sahindake → saindake (bj)

Pucchāmi taṁ uppalamāladhārinī, āveḷinī kañcanasannibhattace; Alaṅkate uttamavatthadhārinī, kā tvaṁ subhe devate vandase mamaṁ.

Kiṁ tvaṁ pure kammamakāsi attanā, manussabhūtā purimāya jātiyā; Dānaṁ suciṇṇaṁ atha sīlasaṁyamaṁ, kenūpapannā sugatiṁ yasassinī;
sīlasaṁyamaṁ → sīlasaññamaṁ (bj, sya1ed, sya2ed, pts-vp-pli1-2 vv48:3 [Ucchuvimānavatthu]) kenūpapannā → kenupapannā (vv48:3 [Ucchuvimānavatthu]) Devate pucchitācikkha, kissa kammassidaṁ phalan”ti.

“Idāni bhante imameva gāmaṁ, piṇḍāya amhākaṁ gharaṁ upāgami;
gāmaṁ → gāme (sya1ed, mr) Tato te ucchussa adāsi khaṇḍikaṁ, pasannacittā atulāya pītiyā.

Sassu ca pacchā anuyuñjate mamaṁ, kahaṁ nu ucchuṁ vadhuke avākiri;
avākiri → avākari (sya1ed, sya2ed, pts-vp-pli1, mr) Na chaḍḍitaṁ no pana khāditaṁ mayā, santassa bhikkhussa sayaṁ adāsahaṁ.

Tuyhaṁ nvidaṁ issariyaṁ atho mama, itissā sassu paribhāsate mamaṁ;
nvidaṁ → idaṁ (sya1ed, sya2ed, pts-vp-pli1) Pīṭhaṁ gahetvā pahāraṁ adāsi me, tato cutā kālakatāmhi devatā.

Tadeva kammaṁ kusalaṁ kataṁ mayā, sukhañca kammaṁ anubhomi attanā; Devehi saddhiṁ paricārayāmahaṁ, modāmahaṁ kāmaguṇehi pañcahi.

Tadeva kammaṁ kusalaṁ kataṁ mayā, sukhañca kammaṁ anubhomi attanā; Devindaguttā tidasehi rakkhitā, samappitā kāmaguṇehi pañcahi.

Etādisaṁ puññaphalaṁ anappakaṁ, mahāvipākā mama ucchudakkhiṇā; Devehi saddhiṁ paricārayāmahaṁ, modāmahaṁ kāmaguṇehi pañcahi.

Etādisaṁ puññaphalaṁ anappakaṁ, mahājutikā mama ucchudakkhiṇā; Devindaguttā tidasehi rakkhitā, sahassanettoriva nandane vane.

Tuvañca bhante anukampakaṁ viduṁ, upecca vandiṁ kusalañca pucchisaṁ; Tato te ucchussa adāsi khaṇḍikaṁ, pasannacittā atulāya pītiyā”ti.

Ucchudāyikāvimānaṁ dutiyaṁ.
Ucchudāyikāvimānaṁ → ucchuvimānaṁ (sya1ed, sya2ed)