3. Nāgavimānavatthu
“Alaṅkatā maṇikañcanācitaṁ, sovaṇṇajālacitaṁ mahantaṁ; Abhiruyha gajavaraṁ sukappitaṁ, idhāgamā vehāyasaṁ antalikkhe.
vehāyasaṁ → vehāsayaṁ (bj, sya1ed, sya2ed, pts-vp-pli1-2)Nāgassa dantesu duvesu nimmitā, acchodakā paduminiyo suphullā;
acchodakā → acchodikā (bj, pts-vp-pli2, mr) Padumesu ca tūriyagaṇā pabhijjare, imā ca naccanti manoharāyo.Deviddhipattāsi mahānubhāve, manussabhūtā kimakāsi puññaṁ; Kenāsi evaṁ jalitānubhāvā, vaṇṇo ca te sabbadisā pabhāsatī”ti.
“Bārāṇasiyaṁ upasaṅkamitvā, buddhassahaṁ vatthayugaṁ adāsiṁ; Pādāni vanditvā chamā nisīdiṁ, vittā cahaṁ añjalikaṁ akāsiṁ.
vanditvā → vanditva (bj, pts-vp-pli1-2)Buddho ca me kañcanasannibhattaco, adesayi samudayadukkhaniccataṁ; Asaṅkhataṁ dukkhanirodhasassataṁ, maggaṁ adesayi yato vijānisaṁ.
adesayi → adesesi (bj, pts-vp-pli2)Appāyukī kālakatā tato cutā, upapannā tidasagaṇaṁ yasassinī; Sakkassahaṁ aññatarā pajāpati, yasuttarā nāma disāsu vissutā”ti.
