“Pabhassaravaravaṇṇanibhe, surattavatthavasane;
surattavatthavasane → … vatthanivāsane (bj, sya1ed, sya2ed, pts-vp-pli1-2) Mahiddhike candanaruciragatte, kā tvaṁ subhe devate vandase mamaṁ.

Pallaṅko ca te mahaggho, nānāratanacittito ruciro; Yattha tvaṁ nisinnā virocasi, devarājāriva nandane vane.

Kiṁ tvaṁ pure sucaritamācarī bhadde, kissa kammassa vipākaṁ; Anubhosi devalokasmiṁ, devate pucchitācikkha; Kissa kammassidaṁ phalan”ti.

“Piṇḍāya te carantassa, mālaṁ phāṇitañca adadaṁ bhante; Tassa kammassidaṁ vipākaṁ, anubhomi devalokasmiṁ.

Hoti ca me anutāpo, aparaddhaṁ dukkhitañca me bhante;
aparaddhaṁ → aparādhaṁ (sya1ed, sya2ed) | dukkhitañca → dukkatañca (bj, pts-vp-pli2) Sāhaṁ dhammaṁ nāssosiṁ, sudesitaṁ dhammarājena.

Taṁ taṁ vadāmi bhaddante, ‘Yassa me anukampiyo koci; Dhammesu taṁ samādapetha’, sudesitaṁ dhammarājena.

Yesaṁ atthi saddhā buddhe, dhamme ca saṅgharatane; Te maṁ ativirocanti, āyunā yasasā siriyā.

Patāpena vaṇṇena uttaritarā, aññe mahiddhikatarā mayā devā”ti.

Pabhassaravimānaṁ dutiyaṁ.