“Mañjiṭṭhake vimānasmiṁ, soṇṇavālukasanthate;
Mañjiṭṭhake → mañjeṭṭhake (bj, pts-vp-pli1-2) soṇṇavālukasanthate → sovaṇṇavālukasanthate (bj, sya1ed, sya2ed, pts-vp-pli1); sovaṇṇavālikasanthate (mr) Pañcaṅgikena tūriyena, ramasi suppavādite.
tūriyena → turiyena (bj, sya1ed, sya2ed, pts-vp-pli1-2)

Tamhā vimānā oruyha, nimmitā ratanāmayā; Ogāhasi sālavanaṁ, pupphitaṁ sabbakālikaṁ.

Yassa yasseva sālassa, mūle tiṭṭhasi devate; So so muñcati pupphāni, onamitvā dumuttamo.

Vāteritaṁ sālavanaṁ, ādhutaṁ dijasevitaṁ;
ādhutaṁ → ādhūtaṁ (bj) Vāti gandho disā sabbā, rukkho mañjūsako yathā.

Ghāyase taṁ sucigandhaṁ, rūpaṁ passasi amānusaṁ; Devate pucchitācikkha, kissa kammassidaṁ phalan”ti.

“Ahaṁ manussesu manussabhūtā, dāsī ayirakule ahuṁ;
ayirakule → ayyirakule (sya1ed, sya2ed, mr) Buddhaṁ nisinnaṁ disvāna, sālapupphehi okiriṁ.

Vaṭaṁsakañca sukataṁ, sālapupphamayaṁ ahaṁ; Buddhassa upanāmesiṁ, pasannā sehi pāṇibhi.

Tāhaṁ kammaṁ karitvāna, kusalaṁ buddhavaṇṇitaṁ; Apetasokā sukhitā, sampamodāmanāmayā”ti.

Mañjiṭṭhakavimānaṁ paṭhamaṁ.
Mañjiṭṭhakavimānaṁ → mañjeṭṭhakavimānaṁ (bj, pts-vp-pli1-2)