“Uccamidaṁ maṇithūṇaṁ vimānaṁ, samantato dvādasa yojanāni; Kūṭāgārā sattasatā uḷārā, veḷuriyathambhā rucakatthatā subhā.
rucakatthatā → ruciratthatā (sya1ed, sya2ed, mr)

Tatthacchasi pivasi khādasi ca, dibbā ca vīṇā pavadanti vagguṁ;
vagguṁ → vaggū (sya1ed, sya2ed, pts-vp-pli1-2); vaggu (mr) Dibbā rasā kāmaguṇettha pañca, nāriyo ca naccanti suvaṇṇachannā.

Kena tetādiso vaṇṇo, kena te idha mijjhati; Uppajjanti ca te bhogā, ye keci manaso piyā.

Pucchāmi taṁ deva mahānubhāva, manussabhūto kimakāsi puññaṁ; Kenāsi evaṁ jalitānubhāvo, vaṇṇo ca te sabbadisā pabhāsatī”ti.

So devaputto attamano, moggallānena pucchito; Pañhaṁ puṭṭho viyākāsi, yassa kammassidaṁ phalaṁ.

“Satisamuppādakaro, dvāre kakkaṭako ṭhito; Niṭṭhito jātarūpassa, sobhati dasapādako.

Tena metādiso vaṇṇo, tena me idha mijjhati; Uppajjanti ca me bhogā, ye keci manaso piyā.

Akkhāmi te bhikkhu mahānubhāva, manussabhūto yamakāsi puññaṁ; Tenamhi evaṁ jalitānubhāvo, vaṇṇo ca me sabbadisā pabhāsatī”ti.

Kakkaṭakarasadāyakavimānaṁ catutthaṁ.
Kakkaṭakarasadāyakavimānaṁ → kakkaṭarasadāyakavimānaṁ (pts-vp-pli1-2)

(Anantaraṁ pañcavimānaṁ yathā kakkaṭakarasadāyakavimānaṁ tathā vitthāretabbaṁ.)