“Yo vadataṁ pavaro manujesu, sakyamunī bhagavā katakicco; Pāragato balaviriyasamaṅgī, taṁ sugataṁ saraṇatthamupehi.
balaviriyasamaṅgī → balavīrasamaṅgī (mr)

Rāgavirāgamanejamasokaṁ, dhammamasaṅkhatamappaṭikūlaṁ; Madhuramimaṁ paguṇaṁ suvibhattaṁ, dhammamimaṁ saraṇatthamupehi.

Yattha ca dinna mahapphalamāhu, catūsu sucīsu purisayugesu; Aṭṭha ca puggaladhammadasā te, saṅghamimaṁ saraṇatthamupehi.

Na tathā tapati nabhe sūriyo, cando ca na bhāsati na phusso; Yathā atulamidaṁ mahappabhāsaṁ, ko nu tvaṁ tidivā mahiṁ upāgā.

Chindati raṁsī pabhaṅkarassa, sādhikavīsatiyojanāni ābhā; Rattimapi yathā divaṁ karoti, parisuddhaṁ vimalaṁ subhaṁ vimānaṁ.

Bahupadumavicitrapuṇḍarīkaṁ, vokiṇṇaṁ kusumehi nekacittaṁ; Arajavirajahemajālachannaṁ, ākāse tapati yathāpi sūriyo.

Rattambarapītavāsasāhi, agarupiyaṅgucandanussadāhi; Kañcanatanusannibhattacāhi, paripūraṁ gaganaṁva tārakāhi.

Naranāriyo bahuketthanekavaṇṇā, kusumavibhūsitābharaṇettha sumanā;
Naranāriyo → naranārī (mr); nāriyo (?) Anilapamuñcitā pavanti surabhiṁ, tapaniyavitatā suvaṇṇachannā.
pavanti → pavāyanti (mr) suvaṇṇachannā → suvaṇṇacchadanā (bj); suvaṇṇachadanā (sya1ed, sya2ed, pts-vp-pli1); suvaṇṇacchādanā (pts-vp-pli2)

Kissa saṁyamassa ayaṁ vipāko, kenāsi kammaphalenidhūpapanno;
saṁyamassa → samadamassa (bj); kammassa (sya1ed, sya2ed, pts-vp-pli1) Yathā ca te adhigatamidaṁ vimānaṁ, tadanupadaṁ avacāsi iṅgha puṭṭho”ti.

“Sayamidha pathe samecca māṇavena, satthānusāsi anukampamāno;
Sayamidha → yamidha (bj, sya1ed, pts-vp-pli1-2) Tava ratanavarassa dhammaṁ sutvā, karissāmīti ca bravittha chatto.

Jinavarapavaraṁ upehi saraṇaṁ, dhammañcāpi tatheva bhikkhusaṅghaṁ;
Jinavarapavaraṁ → jinapavaraṁ (sya1ed, sya2ed, mr) | upehi → upemi (sya1ed, sya2ed, pts-vp-pli1-2) Noti paṭhamaṁ avocahaṁ bhante, pacchā te vacanaṁ tathevakāsiṁ.
avocahaṁ → avocāhaṁ (bj, sya1ed, sya2ed, pts-vp-pli1-2, mr) tathevakāsiṁ → ayaṁ gāthā sya1ed, sya2ed potthakesu

Mā ca pāṇavadhaṁ vividhaṁ carassu asuciṁ, na hi pāṇesu asaññataṁ avaṇṇayiṁsu sappaññā; Noti paṭhamaṁ avocahaṁ bhante, pacchā te vacanaṁ tathevakāsiṁ.

Mā ca parajanassa rakkhitampi, ādātabbamamaññitho adinnaṁ;
ādātabbamamaññitho → … amaññittha (bj, pts-vp-pli1-2) Noti paṭhamaṁ avocahaṁ bhante, pacchā te vacanaṁ tathevakāsiṁ.

Mā ca parajanassa rakkhitāyo, parabhariyā agamā anariyametaṁ; Noti paṭhamaṁ avocahaṁ bhante, pacchā te vacanaṁ tathevakāsiṁ.

Mā ca vitathaṁ aññathā abhāṇi, na hi musāvādaṁ avaṇṇayiṁsu sappaññā; Noti paṭhamaṁ avocahaṁ bhante, pacchā te vacanaṁ tathevakāsiṁ.

Yena ca purisassa apeti saññā, taṁ majjaṁ parivajjayassu sabbaṁ; Noti paṭhamaṁ avocahaṁ bhante, pacchā te vacanaṁ tathevakāsiṁ.

Svāhaṁ idha pañca sikkhā karitvā, paṭipajjitvā tathāgatassa dhamme; Dvepathamagamāsiṁ coramajjhe, te maṁ tattha vadhiṁsu bhogahetu.

Ettakamidaṁ anussarāmi kusalaṁ, tato paraṁ na me vijjati aññaṁ; Tena sucaritena kammunāhaṁ, uppanno tidivesu kāmakāmī.
uppanno → upapanno (sya1ed, sya2ed, pts-vp-pli1-2)

Passa khaṇamuhuttasaññamassa, anudhammappaṭipattiyā vipākaṁ; Jalamiva yasasā samekkhamānā, bahukā maṁ pihayanti hīnakammā.

Passa katipayāya desanāya, sugatiñcamhi gato sukhañca patto; Ye ca te satataṁ suṇanti dhammaṁ, maññe te amataṁ phusanti khemaṁ.

Appampi kataṁ mahāvipākaṁ, vipulaṁ hoti tathāgatassa dhamme;
vipulaṁ hoti → vipulaphalaṁ (mr) Passa katapuññatāya chatto, obhāseti pathaviṁ yathāpi sūriyo.

Kimidaṁ kusalaṁ kimācarema, icceke hi samecca mantayanti; Te mayaṁ punareva laddha mānusattaṁ, paṭipannā viharemu sīlavanto.
punareva → punadeva (sya1ed, sya2ed); punapi (?)

Bahukāro anukampako ca satthā, iti me sati agamā divā divassa; Svāhaṁ upagatomhi saccanāmaṁ, anukampassu punapi suṇemu dhammaṁ.
suṇemu → suṇoma (bj); suṇomi (sya1ed, sya2ed, pts-vp-pli1)

Ye cidha pajahanti kāmarāgaṁ, bhavarāgānusayañca pahāya mohaṁ;
cidha → yedha (si, sya1ed, sya2ed, pts-vp-pli1-2); ye idha (mr) Na ca te punamupenti gabbhaseyyaṁ, parinibbānagatā hi sītibhūtā”ti.

Chattamāṇavakavimānaṁ tatiyaṁ.