4. Pārāyanānugītigāthā
ti → ajitamāṇavapucchāya paṭṭhāya yāvapārāyanānugītigāthāpariyosānā sya-all potthakesu
“Pārāyanamanugāyissaṁ, (iccāyasmā piṅgiyo) Yathāddakkhi tathākkhāsi; vimalo bhūrimedhaso, Nikkāmo nibbano nāgo; kissa hetu musā bhaṇe.
Pahīnamalamohassa, mānamakkhappahāyino; Handāhaṁ kittayissāmi, giraṁ vaṇṇūpasañhitaṁ.
Tamonudo buddho samantacakkhu, lokantagū sabbabhavātivatto; Anāsavo sabbadukkhappahīno, saccavhayo brahme upāsito me.
Dijo yathā kubbanakaṁ pahāya, bahupphalaṁ kānanamāvaseyya; Evampahaṁ appadasse pahāya, mahodadhiṁ haṁsoriva ajjhapatto.
Yeme pubbe viyākaṁsu, huraṁ gotamasāsanā; Iccāsi iti bhavissati, sabbaṁ taṁ itihītihaṁ; Sabbaṁ taṁ takkavaḍḍhanaṁ. eko tamonudāsino, jutimā so pabhaṅkaro; gotamo bhūripaññāṇo, gotamo bhūrimedhaso. yo me dhammamadesesi, Sandiṭṭhikamakālikaṁ; taṇhakkhayamanītikaṁ, Yassa natthi upamā kvaci”. “Kiṁ nu tamhā vippavasasi, muhuttamapi piṅgiya; gotamā bhūripaññāṇā, gotamā bhūrimedhasā. yo te dhammamadesesi, Sandiṭṭhikamakālikaṁ; taṇhakkhayamanītikaṁ, Yassa natthi upamā kvaci”. “Nāhaṁ tamhā vippavasāmi, Muhuttamapi brāhmaṇa; gotamā bhūripaññāṇā, Gotamā bhūrimedhasā. yo me dhammamadesesi, Sandiṭṭhikamakālikaṁ; taṇhakkhayamanītikaṁ, Yassa natthi upamā kvaci. passāmi naṁ manasā cakkhunāva, Rattindivaṁ brāhmaṇa appamatto; namassamāno vivasemi rattiṁ, Teneva maññāmi avippavāsaṁ. saddhā ca pīti ca mano sati ca, Nāpentime gotamasāsanamhā; yaṁ yaṁ disaṁ vajati bhūripañño, Sa tena teneva natohamasmi. jiṇṇassa me dubbalathāmakassa, Teneva kāyo na paleti tattha; saṅkappayantāya vajāmi niccaṁ,
saṅkappayantāya → saṅkappayattāya (bj, pts-vp-pli1) Mano hi me brāhmaṇa tena yutto. paṅke sayāno pariphandamāno, Dīpā dīpaṁ upallaviṁ; athaddasāsiṁ sambuddhaṁ, Oghatiṇṇamanāsavaṁ”. “Yathā ahū vakkali muttasaddho, Bhadrāvudho āḷavigotamo ca; evameva tvampi pamuñcassu saddhaṁ, Gamissasi tvaṁ piṅgiya maccudheyyassa pāraṁ”. “Esa bhiyyo pasīdāmi,
maccudheyyassa pāraṁ → maccudheyya pāraṁ (si, pts-vp-pli1) Sutvāna munino vaco; vivaṭṭacchado sambuddho,
vivaṭṭacchado → vivattacchaddo (bj); vivaṭacchado (sya-all, pts-vp-pli1) Akhilo paṭibhānavā. adhideve abhiññāya, Sabbaṁ vedi paroparaṁ; pañhānantakaro satthā, Kaṅkhīnaṁ paṭijānataṁ. asaṁhīraṁ asaṅkuppaṁ, Yassa natthi upamā kvaci; addhā gamissāmi na mettha kaṅkhā, Evaṁ maṁ dhārehi adhimuttacittan”ti.
